ჟურნალისტი, არჩილ გამზარდია:
“საქართველოს ხელისუფლება დღეს მოქმედებს საქართველოს დაშლისათვის, უკიდურესი გაღარიბებისა და სრული დასუსტებისათვის, რომელსაც შეიძლება საერთოდ სახელმწიფოებრიობის დანგრევა მოჰყვეს.
რომ იძახით, ჩვენი სუვერენულობაა, გავაკეთოთ ის, რაც ჩვენ გვინდა და არ გვაინტერესებს ამერიკელების, ევროპელების აზრიო.
საქართველოს ტერიტორიული მთლიანობა, თუნდაც სამართლებრივად, დღეს დგას ამერიკელების და ევროკავშირის ქვეყნების მხრებზე, ისინი არიან ჩვენი სახელმწიფოს მთლიანობის გარანტორები.
საქართველოს ეკონომიკური, სოციალური, ინფრასტრუქტურული და ა.შ. რესურსები დგას ამერიკელების და ევროკავშირის ქვეყნების მხრებზე, სწორედ მათი დაფინანსებული პროექტები, პროგრამები, რეფორმები და ა.შ. ქმნის იმ ყველაფერს, რაც ჩვენს გარშემო ვითარდება.
საქართველოს ფიზიკური უსაფრთხოება, ის, რომ დღეს რუსული ჯარი არ დგას საქართველოს ყველა ქალაქსა და სოფელში, დგას ამერიკელების და ევროკავშირის ქვეყნების მხრებზე, ისინი არიან ჩვენი სახელმწიფოს უსაფრთხოების შემქმნელები.
საკმარისია, საქართველოს ხელისუფლებამ თავის პარტნიორები და მეგობრები მტრად მიიღოს და როგორც მტერს მოეკიდოს, საკმარისია ამერიკის შეერთებული შტატები, ევროკავშირი ჩვენგან მიბრუნდეს, რომ ამას მოჰყვება არათუ ევროკავშირის დამშვიდობება, არამედ:
• ოკუპირებული ტერიტორიების აღიარება და სამუდამოდ დაკარგვა ჩვენი მიწა-წყლის.
• საქართველოს გაღატაკება და 90-იანების დასაწყისზე უარეს მდგომარეობაში აღმოჩენა.
• საქართველოს პირდაპირი და სრული ოკუპაცია და ყველა ქალაქსა და სოფელში რუსული სამხედრო ძალების განთავსება, შესაბამისად, სახელმწიფოებრიობის სრული დაკარგვა.
კარგად გავიაზროთ რისკები, რისკენაც დღეს ხელისუფლება მიგვაქანებს, მათ შორის, კარგად გაიაზრეთ ეს ყველაფერი დღეს ხელისუფლებაშიც, სადაც, მაინც მგონია, რომ საკმარისად ვერ იაზრებთ ზოგიერთი.”
კომენტარები