კულტურის მინისტრმა, თეა წულუკიანმა ისევ ოპოზიციას მიმართა და უთხრა, რომ “გარეჯი საქართველოა”. უცნობია, როგორ უნდა გადაჭრას ეს პრობლემა ოპოზიციამ და ეუბნება, თუ არა, ქართული ოცნება იგივეს აზერბაიჯანის ხელისუფლებას, რომელსაც რეალურად შეუძლია საკითხის მოგვარება.
თეა წულუკიანი:
„მინდა, კიდევ ერთხელ სინდისთან და სამშობლოსთან მწყრალად მყოფ ადამიანებს, მათ რიცხვში ყველაზე დიდი უმეტესობა წარმომადგენლობითობის მხრივ არიან სწორედ „ნაციონალური მოძრაობის“ წინა ხელისუფლების წარმომადგენლები, კიდევ ერთხელ ვუთხრა, რომ გარეჯი საქართველოა, რომ ჩვენი ხელისუფლება ყველაფერს აკეთებს და გააკეთებს, რომ ის, რაც არის ჩვენი ტერიტორია, იყოს ჩვენი ტერიტორია, რომ შევინარჩუნოთ, გავამყაროთ კიდევ უფრო მეტად ის სამაგალითო, კეთილმეზობლური ურთიერთობები, სტრატეგიული პარტნიორობა, რაც გვაკავშირებს ჩვენს მოძმე სახელმწიფო აზერბაიჯანთან და იმავდროულად, დავიცვათ ჩვენი კულტურული მემკვიდრეობა, ტერიტორიები, სარწმუნოება და ამ სარწმუნოების სიმბოლოები, რომლის ერთ -ერთი თვალსაჩინო მაგალითი არის დავით გარეჯი“
კომენტარები