გარეთ ხალხს ქოლავენ და გომელაური და ლილუაშვილი დმანისის პოლიციაში სხედან… სად არის პოლიცია? – გიგი უგულავა

პოლიტიკოსი, გიგი უგულავა “ტვ პირველთან” ამბობს:

“გამაოგნებელ რაღაცეებს ვუყურე დღეს… 20 მდე ადამიანი ერთ წაქცეულ ადამიანს სცემდა და პოლიციელი მისერნობდა… გეგონება პუტკუნების გადაცემიდან მიიყვანეს ის ხალხი… 9 წელია ხელისუფლებაში არიან, საშინელება რაც გუშინ ვიხილეთ, ასი რომ ასე არ დამთავრდებოდა, ამას ხომ უნდა მიმხვდარიყვნენ? სად არის პოლიცია?

ერთი გიორგი მუმლაძის დასაკავებლად, მეზობელ რაიონში, მარნეულში, გაცილებით მეტი პოლიელი იყო.

მთელი კაკაფონია იმაზე, ეთნიკურ ნიადაგზე ნუ გადაიყვანთო… კი, ბატონო ყოფით ნიადაგზე დაიწყო, მაგრამ თუ ხელისუფლება უმოქმედოდ იქნება, გადავა ეთნიკურ დაპირისპირებაში. ყოფით ნიადაგზე დაიწყო “არაბული გაზაფხული”, როდესაც კომბოსტოს გაყიდვას უკრძალავდნენ საჯარო ადგილას ახალგაზრდა ბიჭს ტუნისში, რომელმაც მერე სიმწრისგან თავი დაიწვა… არ დაიჯეროთ რომ ყოფითია, ეს არ არის ყოფითი, საიდან გაჩნდა იქ ნავარჯიშევი მუტრუკები? ეს არის ის ხალხი, რომლებიც ოქრიაშვილს იარაღს ესროდნენ… ეს არის ერთობლიობა ქართული ოცნების მართვის. სადაც საჭიროა ლეგიტმური ძალის გამოყენება… ოდნავ ნორმალურ ქვეყანაში, 100 კაცი მაინც იქნებოდა დაკავებული, როდესაც სახემწიფოებრიობის საკითხი დგას, ყველა საკითხი გვერდზე გადადის. ხელისუფლება მოვალეა გაანეიტრალოს საფრთხე, რომელიც ადამიანებს ემუქრებათ. საკმარისი ძალა აქვს, საკმარისი ბიუჯეტი პოლიციას, რო იმოქმედოს და არ იყოს იქ მაჩანჩალა ლამპარივით. სად არის სპეცრაზმი? მარტო ნაციონალებს უნდა სცემდეს ხელისუფლება. სად არის მელიას დასაჭეარად რომ მოიყვანეს ის ჯარი? 20 ივნისს ხელისუფლებამ გაჩერებულ ხალხს ესროლა და აი აქ, 20 კაცი როცა ერთს ქოლავს, პოლიციელი მისეირნეობს? სადამდე უნდა ველოდოთ?

აქამდე თუ მოვიდა სურათი, გუბერნატორი, პოლიციის უფროსი და ყველა გასაყრელებია იქედან. დმანისი ბოლომდე მოძულებული და დავიწყებულია ხელისუფლებისგან. გვაშინებენ, არიქა, იქ არ ჩავიხედოთ, თორემ, მერე ეს ეთნიკური იქნება. არავის უხსენებია ეთნიკურობა გარდა ხელისუფლებისა, მარტო ხელისუფლება ლაპარაკობს ამაზე. დღეს რაც ხდება არის ის, რომ ბატუტზე ხტომის მეტი არაფერი იცის მინისტრმა, შს მინისტრის საქმე, მხოლოდ ივანიშვილის სასახლეების და ქონების დაცვაა და შსს-ს და სუს-ის საქმე მხოლოდ პოლიტიკური ოპონენტების დევნაა.

ახლა სხვა არანაირი ალტერნატივა არა გაქვს, ან ხარ სახელმწიფო და ათავებ მოძალადეს ადგილზე, ან არ ხარ სახელმწიფო და ამ ქვეყანას აქცევ ტერიტორიად, სადაც შეიძლება მოქალაქეს ასე გაუსწორდნენ. როდესაც ხანძარია, უნდა ჩააქრო და მერე იძიე რამდენიც გინდა. სად არის პოლიცია? სპეცრაზმი გადმოვიდა ავტობუსიდან თითო-თითო კაცი, იმის ნაცვლად, რომ ჯებირი მოეწყოთ. ჩავიდნენ და სხედან იქ, რას მოგვიტანს დმანისის პოლიციაში ჯდომა? ეს არის პიარი ისევ, საღამოს, მათმა მაყურებელმა მათივე ტელევიზიით რომ უყურონ, როგორ სხედან შსს და სუს-ის მინისტრი ცხელ წერტიში. გარეთ ადამიანებს ქოლავენ და ესენი იქ სხედან. როგორ შეიძლება ეს ერთი დღის სურათი იყო? ორივე დაპირისპირებულ მხარეს თავისი სიმართლე აქვს და ორი სიმართლე ერთმანეთს რომ ეჯახება, უბედურება ხდება, ეს უნდა ესმოდეს სახელმწიფოს.”