მთავარი არხის ინფორმაციით, გაქცეული პატიმრების საქმეზე საბადრაგო სამსახურის ერთი თანამშრომელია დაკავებული. ის იმ საბადრაგო ჯგუფის უფროსი იყო, რომელსაც პატიმრების კლინიკაში სამედიცინო კვლევებზე გადაყვანა ევალებოდა.
დაკავებულია ივერი ნატრიაშვილი, რომელიც მთელი ღამის განმავლობაში პოლიციაში გამოკითხვაზე იმყოფებოდა, 37 წლის ნატრიაშვილი დროებითი მოთავსების იზოლატორში ბრალის ოფიციალურ წარდგენას ელოდება. მის წინააღმდეგ გამოძიება დაიწყო. ნატრიაშვილს ედავებიან სასჯელაღსრულების მოხელის მიერ დადგენილი წესის დარღვევას, რასაც გაქცევა მოჰყვა.
კლინიკიდან გაქცეული პატიმრების ძებნა კი მეორე დღეა უშედეგოდ გრძელდება. არსებული ინფორმაციით, უკვე ამოღებულია ავერსის კლინიკის მიმდებარე ტერიტორიაზე დამონტაჟებული ვიდეოკამერებს ჩანაწერები.
არსებული ინფორმაციით, კლინიკიდან გაქცეული სამივე პატიმარი არასრულწლოვანია
კომენტარები