ბათუმში მომხდარი ტრაგიკული შემთხვევა ნათელი მაგალითია ქვეყანაში არსებული განუკითხავი მდგომარეობისა – ჭელის მეჩეთის იმამის, ჯამბულ აბულაძის ხმაურიანი განცხადება სოციალურ ქსელში.
სასულიერო პირი გარდაცვლილთა ოჯახებს სამძიმარს უცხადებს
“ბათუმში მომხდარი ტრაგიკული შემთხვევა ნათელი მაგალითია ქვეყანაში არსებული განუკითხავი მდგომარეობისა.
ჩვენს საზოგადოებას ჩვევად აქვს ურემი რომ გადაბრუნდება შემდეგ ვიშვიში მანამდე კი სძინავთ ტკბილი ძილით.
ტრაგედიის დროს დაღუპული ადამიანები მსხვერპლნი არიან ერთი მხრივ სახელმწიფოს მხრივ უნიათობის, უპასუხისმგებლობის, მეორე მხრივ საზოგადეობის გულგრილობისა მომიტევეთ, მაგრამ ორივე მათგანის მხრიდან გამოთქმული “მწუხარება” ფარისევლურია და დაგვიანებულად მეჩვენება.
(მომხდარ ტრაგედიაზე მთავარი პასუხისმგებელი სახელმწიფოა. სადაა სახელმწიფო მაშინ როცა უკანონოდ თვითნებურად ხდება ყოველდღე მიშენება, დაშენება ან სადაა ამ დროს საზოგადეობა რომელიც ხედავს ამ ყველაფერს და ჩუმადაა?!)
ასეთი ტრაგედიებიდან რაც მალე გავაკეთებთ ანალიზს და რაც მალე გამოფხიზლდება ხელისუფალიც და ერიც მითუკეთესი.
მწუხარებას გამოვთქვამ მსხვერპლად შეწირული ადამიანების დაღუპვის გამო ვუსამძიმრებ დაღუპულთა ოჯახებს”,- ნათქვამია განცხადებაში.
კომენტარები