საქართველოს პრემიერმინისტრი ირაკლი ღარიბაშვილი ამბობს, რომ მას არ უნდა სააკაშვილზე კომენტარის გაკეთება, თუმცა, როგორც ჩანს, მაინც “აიძულეს”.
ღარიბაშვილი:
“მე რა თქმა უნდა არ მსურს ამ საკითხზე კომენტარის გაკეთება, იუსტიციის მინისტრმა უკვე განაცხადა ამის თაობაზე გუშინ და ჩვენ მოვისმინეთ მისგან, რომ ერთადერთი დაწესებულება სადაც საჭიროების შემთხვევაში ექიმების რეკომენდაციით თუ მოხდება გადაყვანა პატიმარი სააკაშვილის, ეს იქნება ციხის საავადმყოფო. როგორც მოვისმინეთ ჩვენი იუსტიციის მინისტრისგან სხვა დაწესებულება არ განიხილება, ეს არის გამორიცხული”
ვისთან უნდა განიხილებოდეს მიხეილ სააკაშვილის გადაყვანის საკითხი და საიდან იცის პრემიერმა წინასწარ, რას განიხილავს დამატებით ღონისძიებად პენიტენციური სისტემა და რას – არა და როგორ გამორიცხავს ყველა სხვა ვარიანტს – უცნობია.
ყოფილი პრეზიდენტის, მიხეილ სააკაშვილის ადვოკატის, ბექა ბასილაიას თქმით, საჭიროების შემთხვევაში პატიმრის მე-18 პენიტენციურ დაწესებულებაში ჰოსპიტალიზაციას არ ეთანხმებიან. როგორც ადვოკატი ამბობს, ხელისუფლებამ თავისსავე სიტყვებზე თქვა უარი და “სამარცხვინო ნაბიჯი” გადადგა.
ბასილაიას თქმით, პენიტენციური სამსახურის მე-18 სამკურნალო დაწესებულებაში სააკაშვილის უსაფრთხოება უზრუნველყოფილი ვერ იქნება.
კომენტარები