“გამოჩნდა, რომ მიტროპოლიტ ისაიას შეუძლია ერის გამაერთიანებელი იყოს” – გამზარდია

პოლიტიკური ფილოსოფიის დოქტორი, პროფესორი, არჩილ გამზარდია:

“როდესაც მეუფე ისაიას კომენტარი გავრცელდა, რომ თავის კანდიდატურას ვერც მოხსნიდა, რადგან ჯერ არც დაყენებულა, იმის იმედით, რომ იქნებ მეუფე ისაია წინააღმდეგი არ წავიდეს თავის კანდიდატობისა, შემდეგ მე ვნახე, როგორ ყველა სიხარულით აზიარებდა ამ კომენტარს მიუხედავად პოლიტიკური, საზოგადოებრივი თუ სხვა განსხვავებულობისა.

ურთიერთსაწინააღმდეგო ბანაკების ადამიანებიც კი თანხმდებოდნენ მიტროპოლიტი ისაიას მიმართ სიყვარულსა და ნდობაზე. აი, ეს არის ბუნებრივი პროცესი, საერთო სახალხო ნდობა და აღიარება. სადაც ჩანს მიტროპოლიტი ისაია როგორ ფართოდ მიღებული ადამიანია და შეუძლია ერის გამაერთიანებელი იყოს.

თვითონ მეუფე ისაიას კანდიდატობაზე მინდა ვთქვა, რომ აქ ეპისკოპოსის ნება კი არაა მნიშვნელოვანი, არამედ ღვთის ნების აღსრულება. შეიძლება ეპისკოპოსს არ სურდეს, ან ეგონოს რომ არ შეუძლია ამხელა ჯვრის ტარება, მაგრამ ის ღვთის ნებას უნდა აღასრულებდეს, როგორც ეს აღასრულა მაგალითად მოსემ, მარიამ ღვთისმშობელმა და ა.შ.

ის, რომ მეუფე ისაია მოკრძალებით, შიშით და რიდით ხვდება საპატრიარქო კანდიდატობის იდეას, ეს მხოლოდ მის ქრისტიანობას, სულიერებას და ღირსებას უსვამს ხაზს.”