გახარიას გუნდი პოლიტიკურად გამოუცდელია – ლევან იოსელიანი

დეპუტატმა ლევან იოსელიანმა განაცხადა:

„თუ ვთვლი, რომ საპარლამენტო ცხოვრებისთვის რაღაც იქნება უკეთესი, მხარს დავუჭერ იმის მიუხედავად, ეს იდეა ვის თავში მოიხარშება. მნიშვნელობა არ აქვს, სწორი იდეა ვის თავში მოიხარშება, ამ იდეებს ვუჭერ მხარს“

იოსელიანმა ასევე შეაფასა ფაქტი, რომ გიორგი გახარიას გუნდის წევრებმა კახა კუჭავას კანდიდატურას არ დაუჭირეს მხარი და კენჭისყრაში მონაწილეობა არ მიიღეს. ლევან იოსელიანი მიიჩნევს, რომ ამგვარი ქმედება პოლიტიკურ გამოუცდელობას ჰგავს.

„რაც შეეხება გიორგი გახარიას გუნდის მოქმედებას, ამაზე კომენტარის გაკეთება მიჭირს, რადგან ჩემი აზრით, ეს უფრო პოლიტიკურ გამოუცდელობას ჰგავს, ვიდრე სხვა რამეს. გუნდის დატოვებიდან ცოტა დრო გავიდა, რომ ასეთი პერფორმანსი აჩვენო“, – განაცხადა ლევან იოსელიანმა.

შეგახსენებთ, ლევან იოსელიანმა და ალეკო ელისაშვილმა კახა კუჭავას კანდიდატურას, პარლამენტის თავმჯდომარის პოსტზე, მხარი დაუჭირეს.