“გაიარა წერეთელზე? გაიარა სოფელში? მათ ეს არ აწუხებთ, მათ ოჯახებს ეს არ დააწვა კრიზისად…” – ანა მიქაძე ხელისუფლებას

მოძრაობა “ხალხისთვის” წევრი, ანა მიქაძე, “ტვ პირველთან” ამბობს:

“როდესაც ხელისუფლების წარმომადგენელი ამბობს, რომ დუღს ეკონომიკა, ვითარდება, ციფრები იზრდება, პროცენტული მაჩვენებელი გრაფიკაზე კარგად არის დასმული, სულ მაქვს ასეთი კითხვა – გაიარა ჭავჭავაძეზე? გაიარა წერეთელზე? გაიარა სოფელში? უბნებში? ერთმანეთის მიყოლებით – “ქირავდება”, “დაიხურა”… საკმაოდ პოპულარული მაღაზიები დახურულია და ქირავდება ფართები და ვერ ქირავდება. რამდენი მეგობარი ვიცი, ვინც დოლარის კურსთან მიმართებაში, ვერ უძვირებს მოიჯარეს თანხას, რადგან თუ ის წავიდა მერე იქ ვერავინ შემოვა და იმ პატარა შემოსავლის გარეშეც დარჩება. სოფლებში, მიყოლებით დაიხურა რძის გადამამუშავებელი საწარმოები. პანდემიამდე დაიხურა ნაწილი სხვათა შორის და პანდემიამ კიდევ უფრო გაამძაფრა. შეუსაბამობაა ხელისუფლების განცხადებებსა და რეალობას შორის.

არის კიდევ ერთი, ძალიან ურცხვი განცხადება, რომელიც არა მხოლოდ ხელისუფლებას, ამა თუ იმ პარტიის მომხრეებსაც ახასიათებთ – რა ვქნათ ახლა, მთელ მსოფლიოში არის კრიზისი. ძალიან დიდი ბოდიში, მთელ მსოფლიოში იმხელა მარაგებია კრიზისს ძალიან გვიან გაიგებს რიგითი მოქალაქე და საქართველოში არანაირი მარაგი არაფრის არ არსებობს და მხოლოდ იმპორტი მუშაობს, გადამამუშავებელი საწარმოები არ გაქვს, შენი საკუთარი მეურნეობა არ გაქვს, რძე – 70 პროცენტი შემოგაქვს საიდანღაც და იმპორტირებულ რძეზე ამუშავებ მეწარმეს, როგორ შეიძლება იქ რამე მარაგზე ილაარაკო? არაფერი არ არის დალაგებული, ოჯახი რომ ღარიბდება, პირველი იწყებს ფიქრს იმაზე, რა დამემართა. აი, ამ რა დამემართას კი არ ამბობს, არამედ – რას ამბობ, კაცო, მე კარგადა ვარ, გადასარევად ვარ, ეგერ ბეღელი სავსე მაქვს. არა გაქვს ბეღელი სავსე, საერთოდ არა გაქვს ბეღელი, არავინ ფიქრობს იმაზე, როგორ გადავრჩეთ, იმიტომ რომ მათ ეს არ აწუხებთ, მათ ოჯახებს ეს არ დააწვა კრიზისად, ძალიან გვიან გაიგებს ბიუჯეტის ქურდი და ბიუჯეტის ქურდთან დამეგობრებული ბიზნესი ამ კრიზსს. კრიზისს იგებს მოსახლეობის 90 პროცენტი და 10 პროცენტი – ვერ გაიგებს.”