გადადგეს ხაბეიშვილი, პარტია გადავიდეს საგანგებო რეჟიმზე – ენმ-ის თბილისის ორგანიზაცია

ერთიანი ნაციონალური მოძრაობის თბილისის ორგანიზაციის თავმჯდომარეები ერთობლივ განცხადებას ავრცელებენ და ლევან ხაბეიშვილის გადადგომას ითხოვენ:

“სამწუხაროდ, ბოლო 10 თვის განმავლობაში პარტიის თავმჯდომარის, ლევან ხაბეიშვილისა და  მოქმედი მენეჯმენტის მიერ გადაიდგა მთელი რიგი არასწორი ნაბიჯები, რომელიც არ ემსახურებოდა პარტიის ერთიანობას და მის გაძლიერებას, რამაც პარტიაში გამოიწვია მძიმე პოლიტიკური კრიზისი.

მოახლოებული 2024 წლის გადამწყვეტი საპარლამენტო არჩევნების წინ, რუსულ რეჟიმთან წინააღმდეგ ბრძოლისთვის და  ერთიანი ძალებით მოქმედებისათვის, როგორც დროებითი ღონისძიება, აუცილებლად მიგვაჩნია პარტიაში მოხდეს სრული გადატვირთვა და პარტია გადავიდეს საგანგებო რეჟიმზე.

კერძოდ:
1. დაუყოვნებლივ გადადგეს პარტიის თავმჯდომარე ლევან ხაბეიშვილი, შეუწყდეს უფლებამოსილება არადემოკრატიული წესით შექმნილ პოლიტსაბჭოს და შეიქმნას გადაწყვეტილების მიმღები მმართველი ორგანო ე.წ. “თანხმობის საბჭო” (და არა საკონსულტაციო საბჭო), რომლის უფლებამოსილებებში გაერთიანდება პარტიაში მოქმედი პოლიტსაბჭოს, სამდივნოს და თავმჯდომარის უფლებამოსილებები.
2. “თანხმობის საბჭო” დაკომპლექტდეს პარიტეტული პრინციპით, რომელიც ყველა მნიშვნელოვან გადაწყვეტილებას მიიღებს მაღალი ლეგიტიმაციით.
3.  უახლოეს პერიოდში მოწვეულ იქნას პარტიის ყრილობა, რომელზეც მოხდება “საბჭოს” დამტკიცება და შესაბამისი ცვლილებების შეტანა პარტიის წესდებაში, როგორც დროებითი ღონისძიება,  2024 წლის საპარლამენტო არჩევნების ჩათვლით.” ნათქვამია განცხადებაში.

მიმართვას ხელს აწერენ თბილისის ერთიანი ნაციონალური მოძრაობის რაიონული ორგანიზაციის თავმჯდომარეები:

1. ბესო გაზდელიანი;
2. გელა (გრიგოლ) გვილავა;
3. გიორგი მათიაშვილი;
4. გიორგი ჯაბუა;
5. გოჩა გუგუციძე;
6. გოჩა კოკაია;
7. დავით კახაძე;
8. დავით ლაგვილავა;
9. დავით ნებიერიძე;
10. ზვიად კუპრავა
11. თემო ნემსიწვერიძე;
12. თენგიზ გიორგაძე;
13. ლერი დემეტრაშვილი;
14. მამუკა გუგეშაშვილი
15. რომეო ფარულავა.

თერჯოლა, ფოთი, მცხეთა, ამბროლაური, ქუთაისი, ზუგდიდი, ხობი, ჭიათურა – რომელი ქალაქების საკრებულოთა ფრაქციები ითხოვენ ხაბეიშვილის გადადგომას