“გააზიარეთ! ხელისუფლებამ საარჩევნოდ ხმების სანაცვლოდ არ უნდა გაბედოს ამ კანონის გაუქმება!”

მოძრაობა “ერი და სახელმწიფოს” დამფუძნებელი, ზვიად ტომარაძე, სოციალურ ქსელში, წერს:

“გააზიარეთ!

არავინ გაბედოს კანონში საქართველოს მოქალაქეობის მისაღებად ქართული ენის სავალდებულო ცოდნა გააუქმოს!

2018 წელს ერთი წელი ვიბრძოლე პარლამენტში, რომ უცხოელებისთვის საქართველოს მოქალაქეობის გამკაცრებასთან ერთად, საგამონაკლისო წესით საქართველოს მოქალაქეობის მისაღებად ქართული ენის და საქართველოს ისტორიის ცოდნა სავალდებულო ყოფილიყო!

2018 წლის 6 აგვისტოს კანონი ძალაში შევიდა! ახლახანს ინტერნეტში დაიდო სტატია, სადაც ჯავახეთის მოსახლეობა ამ კანონის გამარტივებას მოითხოვს! ამონარიდი სტატიიდან: “საქართველოს პარლამენტის მოქმედი წევრი და მმართველი პარტიის მაჟორიტარი დეპუტატობის კანდიდატი ჯავახეთში სამველ მანუკიანი ამბობს, რომ მოსახლეობისთვის მოქალაქეობის საკითხი ერთ-ერთი ყველაზე მტკივნეულია. მთავარ პრობლემას ის სახელმწიფო ენის არცოდნაში ხედავს:”გამარჯვების შემთხვევაში, ერთ-ერთი პირველი საკითხი, რომლის გადაჭრაზეც ვიზრუნებ ეს იქნება. ყოველ დღე ვხვდები მოსახლეობას და თითქმის ყველა სოფელში მიწევს ამ თემაზე საუბარი. სამწუხაროდ, მათთვის პასუხი არ მაქვს, რადგან ეს მარტივი მოსაგვარებელი არ არის”.

ხელისუფლებას მოვუწოდებ, საარჩევნოდ ხმების სანაცვლოდ არ დაპირდეს ამ კანონის ცვლილებას! ვისაც საქართველოს მოქალაქეობის დაბრუნება უნდა, კეთილი ინებოს და ისწავლოს სახელმწიფო ენა – ქართული! საქართველოს მოქალაქეებმა უნდა იცოდნენ ქართული ენა!”