შსს მედიაში გავრცელებულ ინფორმაციას იმის შესახებ, რომ ნარეკვავში ე.წ. ფერად შენობასთან ხანძარი განზრახ მტკიცებულებების გაქრობის მიზნით გააჩინეს, გამოეხმაურა:
“ერთ-ერთ მედია საშუალებაში გავრცელებული ინფორმაცია ხანძრის ხელოვნურად გაჩენის შესახებ არის მორიგი სიცრუე და მიზანმიმართულად საზოგადოების შეცდომაში შეყვანის მცდელობა. საგამოძიებო მოქმედებების შედეგად გამოვლინდა, რომ 4 ივლისს, არაგვის ხიდის მიმდებარე ტერიტორიაზე გაჩენილი ხანძარი მეტალის დამუშავებამ გამოიწვია.
შესწავლილი ფაქტობრივი გარემოებებით დადგინდა, რომ 1980 წელს დაბადებული ლ.ყ. ჯართის შეგროვების მიზნით, ადგილზე მეტალს ამუშავებდა და დაადასტურა, რომ ამ პროცესში ბალახს მოეკიდა ცეცხლი. ფაქტზე გამოძიება საქართველოს სისხლის სამართლის კოდექსის 188-ე მუხლით მიმდინარეობს”
პატივცემულო მინისტრო – მაგ ერთ-ერთ არხს სახელი აქვს, რატომ გიჭირთ სახელის თქმა, თუ არ იცით, რომელ არხზე საუბრობთ?
პროკურატურიდან, შსს-დან, სასამართლოს დახურული სხდომებიდან, სუსიდან რომ ინფორმაციები მიგაქვთ, ის არხია ეგ…
ბატონო მინისტრო, 4 ივლისს გაჩნდა ცეცხლი და თქვენი ჯგუფი ადგილზე გუშინ 8 ივლისს ჩავიდა, მას მერე ტელევიზიებმა ისაუბრეს – პირიქით რომ მოხდეს ერთხელ მაინც – ჯერ თქვენ რომ გაიგოთ, მოიკვლიოთ, გააკეთოთ განცხადება და მერე თქვას მედიამ – არ შეიძლება?
დანაშაულის ადგილი ექსპერტიზის დასრულებამდე რომ იყოს დაცული, რადგან შესაძლოა, რომელიმე ნიმუშის აღება თავიდან მოგიწიოთ – არ შეიძლება?
ვაღიაროთ, დანაშაულის ადგილის გადაწვა, როცა ექსპერტიზის პასუხებიც არ გაქვთ ჯერ, კითხვის ნიშნებს ბადებდა და საზოგადებასაც რომ გვიპასუხოთ ხოლმე კი არ იქნებოდა ურიგო.
ალია
კომენტარები