Financial Times ტიმ ჯუდას მოსაზრებას აქვეყნებს, რომელიც საქართველოში საარჩევნო პერიოდს ეხება და ქვეყანაში არსებულ ვითარებას განიხილავს.
როგორც გამოქვეყნებულ მასალაში ვკითხულობთ, “დასავლელი ლიდერები უნდა მოემზადონ საქართველოს სრულმასშტაბიანი კრიზისისთვის.“
საქართველო უკონტროლო დინებაშია. რადგანაც ქვეყანა დღეებს ითვლის არჩევნებამდე, ქართული ოცნების ბევრი მოწინააღმდეგე, მიიჩნევს, რომ ის გააკეთებს ყველაფერს, რათა ძალაუფლებაში დარჩეს. რუსი ლიდერები უკვე ხედავენ არჩევნების ძალადობრივ გადაწყვეტას. ევროატლანტიკურ სტრუქტურებში მრავალწლიანი ინტეგრაციის შემდეგ ბიძინა ივანიშვილმა, საქართველოს დე ფაქტო ლიდერმა, როდესაც იგრძნო, რომ ის და მისი ბანაკი ძალაუფლებას კარგავენ, ეს კურსი დატოვა. საქართველო ახლა ნეიტრალურ ტერიტორიაზე დასავლეთსა და რუსეთ-BRICS-ის სამყაროს შორის ცურავს“,- წერია მასალაში.
მასალაში ასევე საუბარია გაზაფხულის აქციებისშესახებ რუსული კანონის წინააღმდეგ და ჰომოფობიურ ანტი-ლგბტ კანონზე.
“ყველაფერი ეს ტრაგედიაა”.
უკრაინის ომმა საქართველოსთვის სრულიად მოულოდნელი შესაძლებლობა გახსნა, რის შედეგადაც მას ევროკავშირის კანდიდატის სტატუსი შესთავაზეს. შესაძლოა, ივანიშვილს, ქართველების უმეტესობისგან განსხვავებით, არასოდეს სურდა ეს გაუთვალისწინებელი საჩუქარი”, – აღნიშნულია სტატიაში და წერია, რომ ბოლო ქმედებების შედეგად გაწევრიანების პროცესი გაყინულია, თუმცა ივანიშვილი 2030 წლისთვის კვლავ გვპირდება ევროკავშირში გაწევრიანებას.
მასალის ავტორი საარჩევნო გარემოსაც მიმოიხილავს და აღნიშნავს, რომ არჩევნები მხოლოდ თბილისში რომ ტარდებოდეს, ოპოზიცია მოიგებდა, თუმცა ეს ასე არაა, რადგანაც რეგიონებში მოსახლეობა ძირითადად მუნიციპალიტეტებშია დასაქმებული.
“ხალხი შიშობს, რომ თუ ხელისუფლება შეიცვლება, მათ ხელმძღვანელს ვინმე გამარჯვებული პარტიიდან ჩაანაცვლებს, რომელიც, თავის მხრივ, სამუშაო ადგილებსა და კონტრაქტს საკუთარ ოჯახის წევრებსა და მეგობრებზე გადაანაწილებს.
ანალიტიკოსები და სოციოლოგები ვარაუდობენ, რომ ქართული ოცნება და ოპოზიცია ელექტორატის მესამედს იზიდავს, დანარჩენი კი გადაუწყვეტელია. ეს ნიშნავს, რომ ოქტომბერში ყველაფერი შეიძლება არასასიამოვნოდ შემობრუნდეს. სერგეი ნარიშკინმა, რუსეთის საგარეო დაზვერვის ხელმძღვანელმა განაცხადა, რომ თუ ოპოზიცია წააგებს, აშშ “თბილისის მაიდანს” გეგმავს, რომლითაც ის სახელმწიფო გადატრიალებს გულისხმობს. ეს აბსურდია. მაგრამ თუ ქართული ოცნება დამარცხდა, მან შეიძლება მაინც გამარჯვებულად გამოაცხადოს თავი, რამაც შესაძლოა გაბრაზებული დემონსტრანტები და ძალადობაც კი გამოიწვიოს.
თუ ის სამართლიანად გაიმარჯვებს, თბილისი გააგრძელებს დასავლეთისგან ჩამოშორებას. თუ წააგებს, მაგრამ ეცდება ძალაუფლებას ჩაეჭიდოს, ქართველები დასავლეთისკენ გაიხედებიან, და ამ შემთხვევაში ამ მთავრობების ქმედებები შეიძლება გადამწყვეტი აღმოჩნდეს“, – ვკითხულობთ მასალაში.
კომენტარები