ევროპის საბჭოს ადგილობრივ და რეგიონულ ხელისუფლებათა კონგრესის დელეგაცია 24–25 სექტემბერს თბილისში ორდღიანი ვიზიტით ჩამოვა. ოფიციალური განცხადების თანახმად, მისის მიზანი საქართველოში მიმდინარე პოლიტიკური ვითარების გავლენის შეფასებაა ადგილობრივ თვითმმართველობებზე, განსაკუთრებით კი 4 ოქტომბერს დაგეგმილი ადგილობრივი არჩევნების კონტექსტში.
დელეგაცია შეხვდება ცენტრალური საარჩევნო კომისიის თავმჯდომარეს, სახალხო დამცველის პირველ მოადგილეს, პარლამენტის რეგიონული პოლიტიკისა და თვითმმართველობის კომიტეტის ხელმძღვანელობას, ასევე – მედიის, არასამთავრობო ორგანიზაციებისა და პოლიტიკური პარტიების წარმომადგენლებს.
კონგრესი ხაზს უსვამს, რომ ეს ვიზიტი „არ უნდა განიხილებოდეს, როგორც რომელიმე მხარის პოლიტიკური მხარდაჭერა ან ლეგიტიმაციის აღიარება“.
ევროპის საბჭოს ადგილობრივ და რეგიონულ ხელისუფლებათა კონგრესის დელეგაცია 2025 წლის 24–25 სექტემბერს საქართველოში გაცნობით ვიზიტს განახორციელებს. ვიზიტის მიზანია არსებული პოლიტიკური ვითარების გავლენის შეფასება ადგილობრივ თვითმმართველ ორგანოებზე, განსაკუთრებული ყურადღებით 2025 წლის 4 ოქტომბერს დაგეგმილი ადგილობრივი არჩევნების მიმართ.
დელეგაციის შემადგენლობაში იქნებიან ადგილობრივ ხელისუფლებათა პალატის პრეზიდენტი ბერნდ ფიორინგერი (გერმანია, ენმ/კსე), კონგრესის წარმომადგენელი ადგილობრივ და რეგიონულ არჩევნებზე დაკვირვების საკითხებში სტიუარტ დიკსონი (გაერთიანებული სამეფო, ადგილობრივი განათლების დამოუკიდებელი ჯგუფი), ასევე ექსპერტი, პროფესორი ტანია გროპი.
დელეგაცია შეხვედრას გამართავს ცენტრალური საარჩევნო კომისიის თავმჯდომარესთან, სახალხო დამცველის პირველ მოადგილესთან და პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველ მოადგილესთან. ასევე გაიმართება აზრთა გაცვლა საქართველოს ეროვნული დელეგაციის წევრებთან კონგრესში და საქართველოს ადგილობრივ თვითმმართველობათა ეროვნული ასოციაციის წარმომადგენლებთან.
გარდა ამისა, დელეგაცია შეხვდება მედიის, არასამთავრობო ორგანიზაციებისა და პოლიტიკური პარტიის წარმომადგენლებს.
ვიზიტი არ უნდა განიხილებოდეს, როგორც პოლიტიკური მხარდაჭერა ან ლეგიტიმაციის აღიარება შეხვედრის მონაწილეთა მიმართ, – ნათქვამია განცადებაში.
კომენტარები