13 ივლისიდან თბილისიდან მიუნხენის, პარიზისა და რიგის მიმართულებით ფრენებზე შეზღუდვა იხსნება. შესაბამისი დადგენილება მთავრობამ დღეს, 10 ივლის მიიღო და ის ძალაში მიღებისთანავე შედის.
ცვლილებები შევიდა “იზოლაციისა და კარანტინის წესების დამტკიცების შესახებ” მთავრობის 23 მაისის დადგენილებაში. 13 ივლისიდან შეზღუდვები არ ვრცელდება ამ დადგენილებით დაწესებულ იმ პირდაპირ რეგულარულ საერთაშორისო რეისებზე, რომლებიც სრულდება თბილისის შოთა რუსთაველის სახელობის საერთაშორისო აეროპორტსა (ICAO-ს კოდი UGTB) და შემდეგ აეროპორტებს შორის:
- მიუნხენი (ICAO-ს კოდი EDDM);
- პარიზი (ICAO-ს კოდი LFPG);
- რიგა (ICAO-ს კოდი EVRA).
დადგენილების მიხედვით, გადაწყვეტილება ფრენის სიხშირეების რაოდენობის შესახებ მიიღება ინდივიდუალურად სამოქალაქო ავიაციის სააგენტოს მიერ, ეკონომიკისა და მდგრადი განვითარების სამინისტროსთან შეთანხმებით. დადგენილება ძალაში შედის დღესვე
13 ივლისიდან ფრენებზე შეზღუდვა იხსნება, თუმცა რეისები აღდგება მაშინ, როცა ავიაკომპანიებთან კონსულტაციები დასრულდება
ონ.ჯი
კომენტარები