• რეკლამა
  • კონტაქტი
19:44, ოთხშაბათი, 20 აგვისტო, 2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“ევროპელ ლიდერებს შორის არიან ისეთებიც, რომლებიც მხარს მხოლოდ საკუთარ თავებს უჭერენ” – ზელენსკი

ალია ავტორი - ალია
06:47 03-11-2022
- ახალი ამბები, მთავარი
A A
0
Facebook-ზე გაზიარება
137

უკრაინის პრეზიდენტი ვოლოდიმირ ზელენსკი:

“უკრაინელებო, დღევანდელი დღის მთავარი მიზანი ჰუმანიტარული დერეფნის ორგანიზება იყო. მოვახერხეთ ჩვენი 40 ათასი მოქალაქის გამოყვანა. ასევე, მოქალაქეებს, რომლებმაც დარჩენა გადაწყვიტეს, ასეულობით ტონა საკვები პროდუქტები და მედიკამენტები გავუგზავნეთ. ყველაფერს ვაკეთებთ იმისათვის, რომ მოქალაქეები მაქსიმლურად დავიცვათ იმ ადგილებში, რომლის განადგურებაც მტერს უნდა. ჩვენი ძალისხმევით, ბოლო 2 დღეში, თითქმის 100 ათასი ადამიანის ევაკუაცია განხორციელდა. ამასთან, მარიუპოლი და ვოლნავახა ბოლომდე დაბლოკილია.

დღეს მტერმა დონეცკის ოლქში საგანგებო სიტუაციების მართვის სამსახურის შენობა ააფეთქა. ზუსტად ის ადგილი, სადაც მარიუპოლელები ევაკუაციისთვის უნდა შეკრებილიყვნენ. ეს ტერორისტების მიერ მოწყობილი ტერორია. მსოფლიომ ეს უნდა იცოდეს და აღიაროს!

ჩვენ საქმე გვაქვს ტერორისტ სახელმწიფოსთან, თუმცა, რაც არ უნდა მოხდეს, მარიუპოლელების დასახმარებლად ყველაფერს გავაკეთებთ. ოკუპანტები ჩვენი ხალხის მოტყუებასა და გადაბირებას ცდილობენ, ბლოკავენ კავშირებს, ახდენენ ინფორმაციულ ვაკუუმს. ჩვენ ვაკეთებთ ყველაფერს, რათა მარიუპოლელებს ხმა მივაწვდინოთ და ვუთხრათ, რომ ქვეყანა მათ გვერდითაა. ძალიან გთხოვთ, თუ ვინმეს აქვს შესაძლებლობა, რომ მათ ხმა მიაწვდინოს, მიწეროს ან დაელაპარაკოს, აუხსენით სიმართლე და უთხარით, რომ უკრაინა მათ გვერდითაა.

რუსი პროპაგანდისტები დღეს გამოცოცხლდნენ და მათი არმიის მიერ უკრაინაში ჩადენილი დანაშაულის გადაფარვას შეეცადნენ. დანაშაული, რომელიც მარიუპოლის, დონბასის, ხარკოვის და ასობით ქალაქის მიმართ ჩაიდინეს. დაგვადანაშაულეს, თითქოს ქიმიურ იარაღს ვააქტიურებდით და ვირუსულ შეტევებს ვაპირებდით. ამის ძალიან მეშინია, რადგან თუ გინდა, რომ გაიგო, რას აპირებს რუსეთი, მოისმინე, რაში ადანაშაულებს სხვას.

რუსულ მედიასაშუალებებში მსგავსი ინფორმაციის გავრცელება მიანიშნებს, რომ ისინი ამის გამკეთებლები არიან. რუსული ჯარისა და სპეცსამსახურების ქმედებები მიუთითებს, რომ ისინი ამაზე წამსვლელები არიან. მსგავსი დანაშაული მათ ბევრ სხვა ქვეყანაში უკვე ჩაიდინეს. ამ დროს კი თვითონ ჩიოდნენ, აანონსებდნენ და უწევდნენ ორგანიზებას ამ დანაშაულებს. ამას ისინი კიდევ გააგრძელებენ. ისინი უნდა გავაჩეროთ. ყველას ახსოვს, როგორ წაართვეს მოლდოვას დნესტრისპირეთი, როგორ მოგლიჯეს საქართველოს აფხაზეთი და უკრაინას დონბასი და ყირიმი.

თვითონ მოდიან ჩვენს მიწაზე, თვითონ იტაცებენ მიწას, აგზავნიან წვევამდელებს საომრად, რომ მათი შეტევის ძალა გაიზარდოს და ამ დროს საკუთარ ერს სირცხვილის გამო ემალებიან. ამ ყველაფერში კი ისინი ჩვენ გვადანაშაულებენ. გვადანაშაულებენ, რომ მშვიდობისმოყვარე რუსეთს თავს დავესხით, ახლა კი მითხარით რას ნიშნავს ის, რომ ჩვენ ქიმიური იარაღის შექმნაში გვადანაშაულებს.

რუსებო, რა იყო, ქიმიური იარაღის გამოყენებას აპირებთ?! ამიაკი? ფოსფორი? კიდევ რა მოგვიმზადეთ?! სად აპირებთ ქიმიური იარაღით დარტყმას, მარიუპოლის სახლებზე? ხარკოვის ეკლესიებზე? საბავშვო საავადმყოფოებზე თუ იმ ლაბორატორიებზე, სადაც მეცნიერები მუშაობენ?! ჩვენ ადეკვატური ხალხი ვართ და მე ადეკვატური ქვეყნის პრეზიდენტი ვარ. ასევე, ორი შვილის მამა და არანაირი მასობრივი განადგურების ქიმიურ იარაღს ჩვენს ქვეყანაში არავინ ამზადებს, ეს ჩვენც ვიცით და თქვენც! და თუ მსგავს რამეს გააკეთებთ, უმკაცრეს სანქცირებულ პასუხს მიიღებთ!..

დღეს და ხვალ ევროპაში უკრაინის ევროკავშირში გაწევრიანებაზე დისკუსიები გაიმართება. ვაცხადებ, რომ ჩვენმა ერმა, სახელმწიფომ და არმიამ ყველაფერი გააკეთა იმისთვის, რომ ჩვენ იქ მიგვიპატიჟონ. ეს ევროპისთვის საბოლოო გამოცდაა. ევროპელ ლიდერებს შორის არიან ადამიანები, რომლებიც მხარს ჩვენ გვიჭერენ, მაგრამ არიან ისეთებიც, რომლებიც მხარს მხოლოდ საკუთარ თავებს უჭერენ. თუმცა, ჩვენ ვხედავთ მთავარს – როგორ გვიჭერს მხარს ევროპის ქვეყნების მოსახლეობა და ამ ადამიანების ნება რომ იყოს, რომელ ქვეყანას აირჩევდნენ ევროკავშირში, დარწმუნებული ვარ, ისინი უკრაინას აირჩევდნენ.

დღეს, როდესაც ვხედავ თითოეული ევროპული ქვეყნის დედაქალაქში, ცენტრალურ მოედანზე შეკრებილ ათასობით ადამიანს და უკრაინის მხარდამჭერ აქციებს, მინდა გითხრათ, რომ ქვეყანა უკვე ევროკავშირშია! რაც შეეხება პოლიტიკოსებს, იმედი მაქვს, რომ ისინი რაც შეიძლება მალე გამოსწორდებიან.

დიდება უკრაინას! დიდება ჩვენს ჯარისკაცებს!”

 

თეგები: ზელენსკირუსეთ-უკრაინის ომი

კომენტარები

რედაქტორის რჩევით

პირადი: 150 მილიონის მიტაცება, “მკვლელი მატარებლები” – უსაფრთხოების დარღვევა და მასშტაბური კორუფცია “რკინიგზაში” – გია ყრუაშვილის სკანდალური, ექსკლუზიური ინტერვიუ
ახალი ამბები

“ზუსტად ასე დაწერეთ, “რკინიგზამ”, ჩემი ავადმყოფი შვილი, გაწირა სასიკვდილოდ” – გია ყრუაშვილი

14:56 08-20-2025
“მკვლელი მატარებლები” – “ვაცხადებ როგორც ვეტერანი რკინიგზელი, – ამ მატარებლებით მგზავრობა სერიოზული საფრთხეა” – გია ყრუაშვილის სკანდალური ინტერვიუ
ახალი ამბები

“მკვლელი მატარებლები” – “ვაცხადებ როგორც ვეტერანი რკინიგზელი, – ამ მატარებლებით მგზავრობა სერიოზული საფრთხეა” – გია ყრუაშვილის სკანდალური ინტერვიუ

05:22 08-20-2025
„რასაც ივანიშვილი ახლა აკეთებს, ამ ლოგიკით ხდება… ბიძინას სხვა გათვლა აქვს“ – ბაბუნაშვილი
ახალი ამბები

„ბიძინა თურმე ამბობდა – ვინ უნდა შემცვალოს, ვინ? ვის აქვს ჩემდენი ფული?… არადა, 60 მილიარდ ევროზე იყო ლაპარაკი… ამიტომ ბიძინამ ჩემთან დაკავშირებით ნევროზი აიკიდა და განადგურება გადაწყვიტა“

20:20 07-16-2025
“ამას “ალიას” ჩავუგდებ”; “ივანიშვილის დაპირებებზე გაგახსენდათ ბო@ი?” – თენგიზ შარმანაშვილი და ბერდია კალანდია
ახალი ამბები

“ამას “ალიას” ჩავუგდებ”; “ივანიშვილის დაპირებებზე გაგახსენდათ ბო@ი?” – თენგიზ შარმანაშვილი და ბერდია კალანდია

14:37 07-09-2025

ბიზნესი

ალტას განახლებული პლატფორმა: შეიძინე სასურველი ტექნიკა კიდევ უფრო კომფორტულად
ახალი ამბები

ალტას განახლებული პლატფორმა: შეიძინე სასურველი ტექნიკა კიდევ უფრო კომფორტულად

16:55 08-20-2025
თიბისის განათლების შესაძლებლობები სტუდენტებისთვის: გაიცანით კესო ლალიაშვილი
ახალი ამბები

თიბისის განათლების შესაძლებლობები სტუდენტებისთვის: გაიცანით კესო ლალიაშვილი

13:53 08-20-2025
თიბისი კონცეპტის და Visa-ს ულიმიტო ქეშბექი სითი მოლში
ახალი ამბები

თიბისი კონცეპტის და Visa-ს ულიმიტო ქეშბექი სითი მოლში

13:17 08-20-2025
თიბისი ახალი ვიდეო რგოლით გვახსენებს, რომ დიდი თავგადასავლის წინ, მნიშვნელოვანია ვინ დგას შენს გვერდით
ახალი ამბები

თიბისი ახალი ვიდეო რგოლით გვახსენებს, რომ დიდი თავგადასავლის წინ, მნიშვნელოვანია ვინ დგას შენს გვერდით

14:34 08-19-2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2025 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2025 Alia.ge - All rights reserved