ევროპარლამენტარმა მარკეტა გრეგოროვმა საგარეო ურთიერთობათა კომიტეტის სხდომაზე სიტყვით გამოსვლისას, მარტის ხელშეკრულების განხორციელების აუცილებლობაზე ისაუბრა.
ამასთან, მას საქართველოს ხელისუფლებას მოუწოდა, დაიწყოს გამოძიება პროტესტის გამომხატველებისა და ოპოზიციის წინააღმდეგ სამართალდამცველების მხრიდან ძალადობის მიმართულებით.
“მოვუწოდებ საქართველოს, დაიწყოს გამოძიება პროტესტის გამომხატველებისა და ოპოზიციის წინააღმდეგ სამართლადამცველების მხრიდან ძალადობის მიმართულებით…
8 მარტის შეთანხმების მიღწევა უმნიშვნელოვანესი ნაბიჯია დეპოლარიზაციისა და პოლიტიკური გარემოს ნორმალიზაციისთვის. რაც შეეხება 2020 წლის საპარლამენტო არჩევნებს, იმედს გამოვთქვამ და მოვუწოდებ პოლიტიკურ პარტიებს, რომ განახორციელონ დადებული შეპირებები, რაც იქნება კიდევ ერთი ნაბიჯი წინგადადგმული ადმინისტრაციული და სასამართლო რეფორმებისკენ“
“ალია” – შეგახსენებთ, 20-21 ივნისის საქმეზე გამოძიებას შსს აწარმოებდა, იმ დროისათვის შს მინისტრი გიორგი გახარია იყო, რომელიც დაგვპირდა, რომ ყველა მონაწილე, გინდ ოპოზიციის მხრიდან და გინდ ძალოვნების – მკაცრად დაისჯებოდა.
მას შემდეგ, რაც საქართველოს ხელისუფლებამ ორი პოლიტპატიმარი შეიწყალა, ევროპარლამენტართა განცხადებები იმასთან დაკავშირებით, რომ არ არის გამოძიებული სამართალდამცველთა მხრიდან ძალადობა პროტესტის გამომხატველებისა და ოპოზიციის წინააღმდეგ – ახალი სკანდალია.
კომენტარები