2 პირი, რომლებიც გუშინ, გავრცელებული ინფორმაციით ანასტასია შატალოვას მკვლელობის საქმესთან დაკავშირებით დააკავეს, დუმილის უფლებას იყენებენ. ბაჩუკი ლატარია და ბიძინა ხასია წინასწარი დაკავების იზოლატორში უფლებადამცველებმა უკვე მოინახულეს.
როგორ ადვოკატებმა აღნიშნეს, ორივე მათგანს სამართალდამცველები ფიზიკურად გაუსწორდნენ. მათივე თქმით, ლატარიას სამართალდამცველები შატალოვას მკვლელობის აღიარებს აიძულებდნენ, თუმცა ოფიციალურად მას ამ დროისთვის ნარკოდანაშაულს, ხასიას კი დანაშაულის დაფარვას ედავებიან.
დაკავებულია იმ ბინის მეპატრონეც, სადაც ხასია და ლატარია იმყოფებოდნენ.
“ჩემი დაცვის ქვეშ მყოფი აცხადებს, რომ ამ მკვლელობასთან არანაირი საერთო არ ჰქონია. ის იყენებს დუმილის უფლებას. როგორც ლატარიამ მითხრა, ის ჰყავდათ შინაგან საქმეთა სამინისტროში, მე-7 განყოფილებაში და პატიმარზე ხდებოდა ზეწოლები. იქაც აყენებდნენ მას ფიზიკურ შეურაცხყოფას. ბრალი აქვს წარდგენილი 260-ე მუხლით, თუმცა ნარკოდანაშაულთან დაკავშირებით მას არანაირ კითხვას საგამოძიებო ორგანო არ უსვამდა. ანასტასია შატალოვასთან დაკავშირებით უსვამდნენ კითხვებს. ასევე, აჩვენებდნენ რაღაც ვიდეოებს მოკლული ქალბატონის და ეუბნებოდნენ, რომ არის შენი ჩადენილი”, – ამბობს ადვოკატი.
ცნობისთვის, 18 ოქტომბერს, თბილისში ახალგაზრდა ქალი, სადარბაზოსთან ჩაცხრილეს. არსებული ინფორმაციით, მას 7 ტყვია აქვს ნასროლი.
მოგვიანებით გაირკვა, რომ მოკლული ანასტასია შატალოვაა, რომელსაც დავა ჰქონდა ბათუმის ყოფილ ვიცე-მერთან არასრულწლოვან შვილთან დაკავშირებით. ბათუმის ყოფილი ვიცე მერი ანასტასია შატალოვას მკვლელობის საქმესთან კავშირს უარყოფს. ზურაბ ბერიძის თქმით, მოკლულთან ბოლო რამდენიმე თვის განმავლობაში კომუნიკაცია არ ჰქონია
კომენტარები