„ესენი სააკაშვილის დროს ბუჩქებში იჯდნენ და იმას ულოკავდნენ ერთ ადგილს, დღეს ამ ხელისუფლებას ულოკავენ და ემზადებიან, შემდეგი რომ მოვა, იმას აულოკონ“ – გია ხუხაშვილი

ლევან ჯავახიშვილი, „ალია“

„ალიას“ ესაუბრება ექსპერტი, გია ხუხაშვილი:

– ბევრი შეცდომა დაუშვა ხელისუფლებამ, იგრძნობა მართლმსაჯულების პოლიტიზირება. იუსტიციის მინისტრმა დასვა კითხვა, განმიმარტონ, როგორ არის სააკაშვილი პოლიტპატიმარი, რას გულისხმობენ, როდესაც ის კონკრეტულ დანაშულებშია მსჯავრდებულიო. მოკლედ, დამნაშვეა და პოლიტპატიმარი როგორ შეიძლება იყოსო. პოლიტპატიმრის სტატუსი იმისდა მიხედვით კი არ მიენიჭება ადამიანს, ის დამნაშავეა თუ არა. პოლიტპატიმრის სტატუსი ნიშნავს, რომ პიროვნების, თუნდაც დამნაშვის მიმართ, ხელისუფლების მხრიდან იგრძნობა  პოლიტიკური მართლმსაჯულების ინტერესი და ხორციელდება ეს ინტერესი. ამ შემთხვევაში  ადამიანი ითვლება პოლიტპატიმრად. ამ გაგებით, რა თქმა უნდა, სააკაშვილი არის პოლიტპატიმარი. ხელისუფლებას ეშლება და არც ესმის, რა განსხვავებაა პოლიტპატიმარსა და სინდისის პატიმარს შორის. ის, რასაც ხელისუფლება გულისხმობს სააკაშვილთან დაკავშირებით, ეს სინდისის პატიმარია. ამ ორ ცნებას ერთმანეთში ურევენ. იმიტომ არ ესმით, რომ არ იციან, მეტი არაფერი. არ იციან, არ განუცდიათ, არ შეხებიათ არასოდეს. წინა ხელისუფლებამ  პოლიტპატიმრებით რომ გაავსო ციხეები, დღევანდელი ხელისუფლების ლიდერები, ან სახლებში ისხდნენ და თავს არ ჰყოფდნენ გარეთ, ან „ნაციონალების“ სამსახურში იყვნენ. ვინც ახალგაზრდები არიან და მათ, უბრალოდ, არ იციან… არ სმენიათ საბჭოთა და სხვა  დისიდენტების შესახებ. სააკაშვილის დროს ბუჩქებში იჯდნენ და იმას ულოკავდნენ ერთ ადგილს. დღეს ამ ხელისუფლებას ულოკავენ და ემზადებიან, შემდეგი რომ მოვა, იმას აულოკონ. ეს ხალხი გვყავს ხელისუფლებაში და ეს ხალხი იღებს გადაწყვეტლებებს, სამწუხაროდ.