სოციალურ ქსელში, ჟურნალისტ მერაბ მეტრეველის პოსტს, რომელიც ქართული ოცნების თავმჯდომარეს, ირაკლი კობახიძეს ეხებოდა, კულტურის მინისტრი, თეა წულუკიანი ეხმაურება.
მერაბ მეტრეველი:
ისე, რა მაგარი სიტუაცია:
კობახიძემ დაწერა კონსტიტუცია და ახლა სხვა ცხრა ადამიანს ეკითხება, სწორად ესმის თუ არა მას თავისივე დაწერილი კონსტიტუცია და ამ ცხრამ, ან უნდა დაუდასტუროს, ან არა.
უფრო მაგარი ის იქნება, იმ ცხრამ თუ უთხრა, არ გესმის სწორადო.
თეა წულუკიანი:
ეს უიმედოდ გაუნათლებელი ნახეთ…კანონს წერს კანონმდებელი (1), ხოლო კანონს განმარტავს სასამართლო (2).პირველი კლასის პირველი ან მეორე გაკვეთილი.სამართალზე თუ უნდა წეროს, იმ ჟურნალისტს სამართლის ზოგადი წესები არ უნდა ასწავლონ?
მერაბ მეტრეველი:
რა პატივია ქალბატონო, წულუკიანი თეა , რომ ამხელა მინისტრი ქალი ჩემი პოსტების გაზიარებისთვის და ჩემთვის ჭკუის დარიგებისთვის იცლით. აღფრთოვანებული ვარ ასეთი ყურადღებით, მაგრამ პასუხი მაინც უნდა გაკადროთ:
პირველი ის, რომ სანამ ჩემს განათლებას შეუდგებით, იქნებ, გაგერკვიათ რას ნიშნავს ირონია, ხუმრობა. კულტურის მინისტრი ბრძანდებით მაინც. არადა, თავი დავიზღვიე და იმ ხალხისთვის, ვინც ხუმრობას ვერ იგებს, ხოლმე, პოსტში სპეციალურად სმაილიკები დავწერე, მაგრამ ეტყობა ამანაც არ მიშველა.მეორეც: რომელმა სასამრთლომ უნდა განმარტოს? ზურაბ ადეიშვილის ყოფილ მონებს რომ ჩააბრეთ მისი მართვა, იმ სასამრთლომ? (ახლა არ მითხრათ, საკონსტიტუციო სასამართლოსთან მათ შეხება არ აქვთო. სიცილად არ მეყოფა)
მესამეც: სამართლაზე არ ვმუშაობ, მაგრამ როცა მჭირდება, როგორმე ვახერხებ გავერკვე სამართლებრივ ნიუანსებშიც, აი, თქვენ რას იზამთ ისტორიაში რომ შეხვალთ პოლიტიკოსად, რომელმაც საკუთარ პრინციპებს თანამდებობა ამჯობინა და უფროსის დავალებით სასამართლოში ის კლანი ჩააბეტონა, რომელთან ბრძოლის ეგიდიდაც პოლიტიკააში მოვიდა? – ეს კია საინტერესო.
კომენტარები