ბრიუსელი ორდღიანი მინისტერიალის სამზადისშია. თავდაცვის მინისტერიალის დაწყებამდე პრესკონფერენცია გამართა NATO-ს გენერალურმა მდივანმა იენს სტოლტენბერგმა და განაცხადა:
“ჩვენი გზავნილი მკაფიოა – NATO უკრაინის გვერდით იდგება იმდენი ხანი, რამდენიც საჭირო იქნება. ეს ომი პრეზიდენტმა პუტინმა დაიწყო და მან უნდა დაასრულოს, თავისი სამხედროების უკრაინიდან გაყვანით. ასევე, პრეზიდენტმა ლუკაშენკომ უნდა შეწყვიტოს ბელარუსის ჩართვა ამ კონფლიქტში. პრეზიდენტ პუტინის შეფარული ბირთვული მუქარა სახიფათო და უპასუხისმგებლოა. რუსეთმა იცის, რომ ბირთვული ომი არ უნდა მოხდეს და მას ვერავინ მოიგებს. ჩვენ ვაკვირდებით რუსეთის ბირთვულ ძალებს. ამ დროისთვის რაიმე ცვლილება რუსეთის პოზიციაში შესამჩნევი არ არის, თუმცა ჩვენ ვრჩებით ფხიზლად. პუტინის განურჩეველი თავდასხმები ვნახეთ დღეს, გუშინ. ეს მიმართულია კრიტიკული ინფრასრუქტურის და მშვიდობიანი მოქალაქეების წინააღმდეგ. ადამიანები იხოცებიან, ეს მიუღებელია. ეს პუტინის სისუსტეა, ის ბრძოლის ველზე აგებს”
კომენტარები