“ეს პირველად მოხდა – გაზის შესასყიდი ფულიც კი არა აქვს გაზის სახელმწიფო კორპორაციას” – გოცირიძე

დეპუტატი, რომან გოცირიძე:

“შავ ზღვაში ჩადებული კაბელი პოლიტიკური ფარი რომაა გასაგებია. ეკონომიკურად საქართველოს დარჩება ჩვენს ტერიტორიაზე არსებული მაღალი ძაბვის გადამცემი ხაზებით აზერბაიჯანული ელექტროენერგიის ტრანზიტის საფასური. ეს საფასური არც თუ ისე ბევრია. მას ეკონომიკური შინაარსი მხოლოდ მაშინ ექნება, თუ ქართული წარმოების ელექტროენერგიის ექსპორტი განხორციელდება. სწორედ ამიტომ დაფაცურდა მთავრობა, და განაცხადა, ხუდონჰესი გამოვისყიდეთ და მთავრობა ააშენებსო. მანამდე ნამახვანჰესზეც ამბობდნენ, რომ მთავრობა ააშენებსო. ახლახან ცნობილი გახდა, რომ ნენსკრაჰესიდან საბოლოოდ გავიდნენ კორეელები და ალბათ მთავრობა იტყვის, იმასაც ჩვენ ავაშენებთო. ანაკლიაში 51 პროცენტს მთავრობა ჩადებსო, ესეც ახლახან მოვისმინეთ.

სრული აბსურდია. ვერ ამდენ ვალს აიღებს მთავრობა, ვერ მშენებლობას მოაბამს თავს და ეს შესაძლებელი რომც იყოს, ბიუჯეტის სხვა სფეროები დაზიანდებიან მრავალი წლის განმავლობაში.

ხელისუფლება არის დამნაშავე მსხვილი ენერგოპროექტების გაჩერებაში. საქმე იქამდე მიიყვანეს, რომ გაზის შესასყიდი ფულიც კი არა აქვს გაზის სახელმწიფო კორპორაციას და რამდენიმე დღის წინ 240 მილიონი ლარის გამოუყვეს ბიუჯეტიდან ამისათვის. ეს პირველად მოხდა მას შემდეგ, რაც საქართველოს გაზი მიეწოდება.

რაც სახელმწიფოა, იქ ზარალი და კირუფცია რომ არის, ამის ნათელი მაგალითი ჩვენი ენერგოსექტორია.”