„ეს ოპოზიცია, ისევეა გამოსაცვლელი, როგორც ხელისუფლება“ – გია ხუხაშვილი

ლევან ჯავახიშვილი

„ალიას“ ესაუბრება ექსპერტი, გია ხუხაშვილი.

– ბატონო გია, ასე მგონია, ეს ოპოზიცია თვლის, რომ  რუსეთ-უკრაინის ომზე არიან დამოკიდებულნი და თუ რუსეთი წააგებს ომს, „ქართული ოცნება“ ადგება, თავისით წავა ხელისუფლებიდან და მერე ესენი მოვლენ. თქვენ არ გჩებათ ასეთი შთაბეჭდილება?

– არა, ვერ მოვლენ, პარადოქსია, მაგრამ რუსეთმა თუ წააგო ომი, მაინც ვერ მოვლენ. ხალხი არჩევანს იმის მიხედვით არ აკეთებს, ომი ვინ მოიგო. ხალხს უნდა მოსწონდე, იმის იმედი უნდა ჰქონდეს, რომ უკეთეს მომავალს მოიტან, პრობლემებს მოაგვარებ. ამას, ამაში ხალხის დარწმუნებას მუშაობა უნდა, თავისთავად არ მოვა. თუ უკრაინაში გადაწყდება ჩვენი ხელისუფლების ბედი, „ქართულ ოცნებას“ წაართმევენ  ძალაუფლებას და ოპოზიციას გადააბარებენ, არც ეგეთი ხელისუფლება მინდა და არც  არავის უნდა. ხალხის არჩეული უნდა იყოს ხელისუფლება და არა გარედან დასმული. საგარეო მხარდაჭერა ერთია და რაზეც ჩვენ ვლაპარაკობთ, ეს უკვე სხვაა.

– დავუშვათ, ასე მოხდა და დასავლეთმა გადაწყვიტა ვინ მოვა საქართველოში ხელისუფლებაში. მაშინ   რაღა ამ ოპოზიციას დასვამენ, ხელისუფლებასთან თანამშრომლობაში, სხვა უბედურებაში ეჭვმიტანილებს. უფრო სუფთა ხალხს არ მოიყვანენ, თუ მათი მოსაყვანია?

– რა თქმა უნდა, ნაკლებად კომპრემეტირებულ ხალხს მოიყვანენ. ვერ ხვდება ეს ოპოზიცია, რომ თავადაც ისე გამოსაცვლელია, როგორც ხელისუფლება.