რუსეთის საგარეო საქმეთა მინისტრი სერგეი ლავროვი, რომელიც ამჯერად ინდონეზიის კუნძულ ბალიზე იმყოფება, მისი ჰოსპიტალიზაციის შესახებ ინფორმაციას უარყოფს და ფეიკს უწოდებს. მისი განცხადება ტელეგრამში გაავრცელდა.
„ჩვენს პრეზიდენტზეც უკვე 10 წელია წერენ, რომ ის ავად არის, ეს არის ასეთი პოლიტიკური თამაში, რომელიც ახალი არ არის“ – განაცხადა ლავროვმა, დასავლელ ჟურნალისტებს კი ურჩია, რომ უფრო მეტად გაავრცელონ სიმართლე.
ლავროვის თქმით, ეს 15 ნოემბერს G20 -ის სამიტში მიიღებს მონაწილეობას და რუსეთის საგარეო საქმეთა მინისტრის სიტყვით გამოსვლაც იგეგმება.
დღე გავრცელდა ინფორმაცია, რომ სერგეი ლავროვის ჰოსპიტალიზაცია კუნძულ ბალიზე მისი ჩასვლიდან საკმაოდ მალე მოხდა.
რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ ეს ინფორმაცია არ დაადასტურა.
კომენტარები