ეს ხალხი მოაგროვა გრეჩიხამ? არა, ეს ხალხი მოაგროვა მთავრობამ და ქუჩაში გამოიყვანა – ალექსანდრე პაიკიძე

მწერალი, ალექსანდრე პაიკიძე, სოციალურ ქსელში, წერს:

“1- ეგ ის გრეჩიხაა, რომლის უფროსმა ძმამ მიშას არჩევნები მოუგო და მერე, “რატომღაც” ისევ მიშა გახდა პრეზიდენტი.

2 – ეგ ის გრეჩიხაა, რომლის უფროსმა ძმამაც მართლა 100 ათასი ადამიანი ატარა იპოდრომიდან პარლამენტამდე და მერე ” რატომღაც” დაიშალნენ.

3 – ეგ ის გრეჩიხაა, რომელიც მანამდე მიშასთანაც კაი ჯიგრულად იყო.

4 – ეგ ის გრეჩიხაა, თუ დასჭირდა, სხვა მთავრობასაც ასე “დაუპადერჟკებს”.

5 – ეგ ის ხალხია, წინა ხელსუფლების აქციაზეც რომ მიდიოდნენ, ამაზეც მივიდნენ და შემდეგისაზეც მივლენ.

6 – პარტ.აქტივი და საჯარო მოხელეები.

7 – მოძველბიჭო ტიპები, თან რომ სუსთან და პოლიციასთან თანამშრომლობენ.

8 – სოც. დაუცველები.

9 – ეს ხალხი მოაგროვა გრეჩიხამ?

10 – არა, ეს ხალხი მოაგროვა მთავრობამ და ქუჩაში გამოიყვანა, ათასი ბერკეტის საშუალებით.

11 – ამოუხსნელი ფენომენი : ებრძოდე ერთი პარტიის ლიდერს და მისი ყოფილი წევრებით იყო დაკომპლექტებული.

12 – სამოქალაქო დაპირისპირების დასაწყისია ასეთი გამოსვლები!

13 – ვისაც ორივე ერთნაირად მოგვბეზრდით, იმათმა ცალკე ვმართოთ აქციები?

14 – ერთი წელია ანგრევენ ეკონომკას, ქვეყნის უსაფრთხოებას და მომავალს.

15 – ვერ ვიხსენებ ამ ხალხს რამე გაეპროტესტებინა.

16 – გულწრფელად მჯერა – გვეშველება მხოლოდ მაშინ, როდესაც ორშაურიანი პოლიტიკური აქციების გამართვას ვერავინ შეძლებს.

17 – ვერც მიშა და ვერც ბიძინა.

18 – ხალხის ბრალიცაა? ცხადია, ხალხის ბრალია, ჩვენი.

19 – ე.წ. შუაშისტები ყველაზე მეტი ვართ, რეალურად ასეა და ჩვენი გაერთიანება არის რეალური ალტერნატივა.

20 – როდესაც ხელისუფლება თავის “მომხრეებს” ქუჩაში უხმობს, იმ ხელისფლების ბედი გადაწყვეტილია.”