“ეს იმას ჰგავს, ვატყავებდეთ დათვს, როცა დათვი მოკლული არ არის” – გოცირიძე პრეიმერისზე

დეპუტატმა რომან გოცირიძემ პრეიმერისზე საუბრისას, განაცხადა:

“პრაიმერისი იმის თაობაზე, ვინ რა თანამდებობაზე ავირჩიოთ, იმას ჰგავს, ვატყავებდეთ დათვს, როცა დათვი მოკლული არ არის – არ მგონია, ეს სერიოზული იყოს.

როგორც მოვისმინეთ, მთავარი იდეა არის ის, რომ ოპოზიცია ერთი საარჩევნო ნომრით, ერთი ოპოზიციური სიით – ოღონდ ამ სიაში ყველა პარტია არ იქნება შერჩეული – ერთ ბლოკად გავიდეს, თუმცა ბლოკი კანონში არ არის. ერთ ქვაბში ყველას ჩაყრის იდეას ჩვენ არ ვემხრობით. ჩვენ ვართ თანამშრომლობის, კოორდინაციის, ოპოზიციის ფართო ფრონტით საარჩევნო პროცესში შევლის მომხრე, მაგრამ ეს იმას არ ნიშნავს, რომ ყველა ერთ ჭერქვეშ უნდა გაერთიანდეს. მთავარი ამოცანაა, რომ ყველა პარტიამ საკუთარი ამომრჩეველი იპოვოს, არც ერთი ოპოზიციური ხმა არ დაიკარგოს და შემდეგ კოალიცია პარლამენტში შეიქმნას, როგორც ეს ევროპაში ხდება. უნდა გამსხვილდნენ პარტიები, რომელთაც 5%-იანი საარჩევნო ბარიერის გადალახვის შანსი არა აქვს და არჩევნებში ასე მიიღონ მონაწილეობა. კარგი იქნება თუ ოპოზიციურ ფლანგზე იდეოლოგიური ნიშნით გაერთიანებული პარტიები გამოჩნდებიან.“