1,362
კოალიცია ცვლილებებისთვის ერთ–ერთი ლიდერი, ნიკა გვარამია:
ანრი ოხანაშვილი სახელმწიფო გადატრიალების საქმეს რომ დაიწყებს, ამას წყალი არ გაუვა. საინტერესო ისაა, ამისთვის ლილუაშვილის შეცვლა რატომ გახდა საჭირო. ალბათ მალე გავიგებთ. ლილუაშვილმა სპეციალურად მისთვის შექმნილი პოსტის – რაგიონული განვითარების მინისტრი – დაკავებაზეც კი უარი თქვა.
ცესკომ რომ თავისი დადგენილებით კიდევ უფრო გაამარტივა გაყალბება, ამაზე ლაპარაკს რა აზრი აქვს, ადგილობრივი თვითმმართველობის არჩევნებზე თუ არ გავდივართ (და არ გავდივართ)?
წულუკიანის კომისია, პირველ რიგში, სანახაობაა. უნდა გვახსოვდეს, რომ სანახაობას 2 მხარე ქმნის: დამხვედრი წულუკიანი და მიმსვლელი არაქოცი. ამიტომ იქ სიარული ქოცური პროპაგანდის დახმარებაა.
აიკრძალება თუ არა წულუკიანის კომისიის საფუძველზე პარტიები? თუ კი, არ ჯობია ახლავე ვილაპარაკოთ იმაზე, რომ სრული ართანამშრომლობა გვაქვს რეჟიმთან? და არა აკრძალვის მერე დაშვების დონეზე: რომც არ ავეკრძალეთ, მაინც არ მივიღებდით მონაწილეობას, მაინც არ ვიზამდით ამას, მაინც, მაინც, მაინც…
ის, რომ არჩევნები არავის უღიარებია, ქართველი ხალხის პროტესტის, ენჯეოების დიდი შრომის და ქართული ოპოზიციის მუშაობის და სწორი პოზიციის (ქოცური არჩევნების დელეგიტიმაციის) შედეგია. ეს ყველაფერი უცხოეთიდან გვიბრუნდება, როგორც ქოცების არცნობა და სანქციები, რაც თავისით არ ხდება და მუშაობის ერთდღიანი ჩაგდებაც კი არ შეიძლება.
ის, რომ პროტესტს აღმავალი ხაზი ჭირდება, ის, რომ რუსთაველი საკმარისი არაა, ის, რომ ქოცი მხოლოდ შეძახილით არ გახმება, ეს ჩვენი, პოლიტიკოსების თავის ტკივილი და საფიქრალია, პირველ რიგში. ასე რომ, კრიტიკა სწორია, მხოლოდ “არაფერს არ აკეთებენ” – არასწორი. ზოგიერთი სხვა ტექსტი კი არაფერს არ ემსახურება, თუ არა პროცესის მორალიზაციას და ურთიერთგაუცხოების გარდა, შედეგად არაფერი მოაქვს.
კომენტარები