“ტრიბუნას” დამფუძნებელი, დავით ჭიჭინაძე:
“გამოჩნდა, რომ ამ ჩვენი “კონსტიტუციის მამებს”, კობახიძეს და ჩუგოშვილს ისე დაუწერიათ კონსტიტუცია, რომ სხვადასხვა რამეს გულისხმობდნენ, არადა თითქოს “ერთი გუნდის წევრები” იყვნენ.
ეს კიდევ ერთხელ მიუთითებს იმაზე, რომ “ქართული ოცნება” ესეთი ადამიანების ხელში აღარ იყო ერთი გუნდი და არავითარი კავშირი არ ჰქონდათ მათთან, ვინც 2012 წელს ხალხთან ერთად მოიპოვა გამარჯვება. პოლიტიკური თვალსაზრისით კი, გამოჩნდა, რომ ორი მხარე გვაქვს – ბნელი და ნათელი. ნათელ მხარეს არის ხალხის დიდი ნაწილი, ვისაც სურვილი აქვს, რომ ვიყოთ ევროპის ნაწილი. და მეორე, ბნელი მხარე, რომელიც არ აკლებს მცდელობას, რომ ჩავრჩეთ მუდმივ ჭაობში.
ამ გადასახედიდან, პრეზიდენტი და მისი მხარდამჭერები ნათელ მხარეს წარმოადგენენ, იმიტომაც გამოიყურებიან გაცილებით რესპექტაბელურად. ეს ჩვენი “იმპიჩმენტისტები” კი ის შავბნელი ძალაა, რომელიც არასოდეს განათდება. იმიტომაც დავარქვი მათ, ჯერ კიდევ რამდენი ხნის წინ, “ქართული ოცნების” მესაფლავეები…”
კომენტარები