“ეს ავადმყოფი სტალინის ფანია და მის კოპირებას აკეთებს” – რა გააკეთა სტალინმა პოლონეთში, საქართველოში, ლიტვაში და რა ვერ გააკეთა ფინეთში? – ბექა კობახიძე

ახლა რაზე გამახსენდა ეს: ცინიკურად, ბუჩას დანაშაულთან დაკავშირებით, რუსეთმა მოიწვია გაეროს უშიშროების საბჭოს სხდომა. ცხადია, ამ სხდომაზე უკრაინელებს უნდა დასდონ ხოცვა-ჟლეტაში ბრალი.

კიდევ რა ხდება: თუ დააკვირდით, სადაც შედიან მერებს ან კლავენ ან აპატიმრებენ ან დაშინებით თავისკენ იბირებენ. უკრაინული მხარე ამბობს, რომ ციმბირში მასობრივად გზავნიან მოსახლეობას. მაღალი ალბათობით, ბევრს ადგილზე კლავენ.

ეს ავადმყოფი ხო სტალინის ფანია და მის კოპირებას აკეთებს.

რას ნიშნავს მერების კვლა, ადამიანების ციმბირში გაყვანა და ხოცვა: 1921-1938 წლებში სტალინმა ფიზიკურად გაანადგურა ან განდევნა ქართული ელიტა. დატოვა ის ხალხი, ვინც წერა-კითხვა საბჭოთა დროს ისწავლა. ის თვლიდა, რომ ასე წინააღმდეგობას მოკლავდა და მასისგან შექმნიდა საბჭოთა სახელმწიფოსადმი ლოიალურ ხალხს. იგივე ქნა კატინში 1940 წელს. იგივე ქნა ლიტვაში 1945-1953 წლებში და ა.შ.

ვერ ქნა ფინეთში, რადგან იქ დაინახა, რომ ელიტა და მასა ერთიანი იყო და ყველას ვერ მოკლავდა. ამიტომ არ მოხდა ფინეთის სრული ოკუპაცია.

ჰოდა ეს ავადმყოფიც თვლის რომ ცენტრალური და დასავლეთი უკრაინა ფინეთისებრია, ხოლო აღმოსავლეთ უკრაინაში შესაძლებელია სტალინური წმენდა, რომლის შემდეგაც ის მიიღებს რუსეთისადმი ლოიალურ ნოვოროსიას. რეალურად, ეს არის მათი “დენაციფიკაცია”. ანუ, ვინც თავს უკრაინელად თვლის და რუსეთის მიერ კონტროლირებად ტერიტორიაზე ცხოვრობს, უნდა განადგურდეს. დარჩენილი რუხი მასა – “ბიდლო” – უნდა შეერწყას რუს ერს.

2022 წელს სტალინური ტერორის რესტავრაცია დაუჯერებელი ჯოჯოხეთია. სტალინური ტერორისგან განსხვავებით, ეს ნაცისტურია და ეროვნული ნიშნით ტარდება.”