პოლიტიკოსი, “ტრიბუნას” წევრი, კოტე კემულარია:
“ამ შუბლზეკამეჩტყავგადაკრულმა, უდანაშაულოდ , კოლეგების თვალწინ, უმოწყალო ცემით მოკლული, ახალგაზრდა ჟურნალისტის ტრაგედია გაუპრავა ხელისუფლებას. ორმაგი ტრაგედიაა, რომ მოკლულის უფლებადამცველად დაქირავებულის რანგში ჩაიდინა ეს უგვანი საქციელი.
ეს არარის მხოლოდ ერთი ოჯახის, ან ჟურნალისტური თანამეგობრობის ტრაგედია.
ეროვნული ექსპერტიზის ბიუროს დასკვნის მორგება მმართველი პარტიის და პოლიტიკური პოლიციის მიერ სიკვდილის ღამესვე გავრცელებულ “უტყუარ ვერსიაზე”- ლაშქარავა ზედოზირებით დაიღუპაო- არის სახელმწიფო გამოძიების და ექსპერტიზის მიმართ ნდობაზე უდიდესი დარტყმა.
რატომ?
ხელისუფლება რომ არის ეჭვმიტანილი ლაშქარავას მკვლელების ქუჩაში გამოყვანაში და მფარველობაში ი მ ი ტ ო მ!
რაც შეეხება დასკვნის სანდოობას.
“ზედოზირება სიკვდილის მიზეზად”- იმ ღამესვე დალაგდნენ ოცნების ლიდერები და ლამის ტელევიზიით დაუკვეთეს ეს დასკვნა. ამის გულისთვის, კამერების თვალწინ, გულგახეთქილი დედისთვის შვილის ჯერ არგაციებული ცხედრის ხელიდან მხეცურად გამოგლეჯასაც კი არ მოერიდნენ. მიდი და დაიჯერე “ეს უტყუარი კვლევა”.
მთავარი მაინც მეორე ნაწილი არის:
“სიცოცხლისთვის ყველაზე საშიშ ადგილებში-საფეთქელში, შუბლში, თვალის ბუდეში, ანუ თავის ქალის შიდა მიდამოში, მრავლობითი მოტეხილობები, ჩარჩენილი თვალბუდის ნატეხები, ყველაფერი ამის გამო გაწვეული თავის ტვინის დაზიანებები, თურმე ნუ იტყვით, არაფერ შუაში არ შეიძლება იყოს გარდაცვალებასთანო”.
თანაც, სავარაუდოდ კი არა-კატეგორიულადო!!!
ბევრი უმძიმესი მკვლელობა მაქვს გამოძიებული. არაერთხელ მომხდარა -ძალიან გამოცდილ ექსპერტს გაპარვია (არაგანზრახ)თავის ქალაზე ტრავმის უმნიშვნელო, შეუარაღებელი თვალით შეუმჩნეველი ბზარი. ჩვენს მიერ დანიშნულ კომისიურ ექსპერტიზას თავის ქალის მიკროსკოპიული კვლევით აღმოუჩენია ეს ფარული ბზარები, რაც მთლიანად ცვლიდა საქმის ვითარებას.
არც ევროპაში და არც ამერიკაში, ქალაზე მოტეხილობების მიკროსკოპიული კვლევების გარეშე ვერ დგინდება -თუ გამოიწვია სიკვდილი ამ დაზიანებებმა.
კატეგორიულად ლაპარაკი იმაზე, რომ -ნაცემი ჟურნალისტის თავის ქალაზე, თვალბუდეში მოტეხილობები —“არ ყოფილა კავშირში გარდაცვალებასთან”, ეს არის “პოლიტსამედიცინო” დასკვნა და ამას ჩრდილოეთ კორეაშიც არ იკადრებდა ღირსების მქონე ექიმი.
ფორმალური ლოგიკისმკაცრი კანონებით, თუ თქვენ უკვე “უტყუარად”
გქონდათ დადგენილი სიკვდილის მიზეზად ზედოზირება, გამოძიებას რაღაში აინტერესებდა – “რა გარემოებები არ იყო კავშირში გარდაცვალებასთან”.
ამ კითხვით ხომ, მხოლოდ პოლიტიკოსები იყვნენ დაინტერესებულნი?
თქვენ “პოლიტტექნოლოგიური ექსპერტიზაც” გამოგივიდათ.
სამარცხვინო და სახელმწიფოსთვის/არამარტო ხელისუფლებისთვის/თავისმომჭრელი ფაქტია.
სასწრაფოდ უნდა გამოქვეყნდეს მეთოდიკა და გავიგოთ დეტალურად – იყო თუარა თავის ქალის მიკროსკოპიული კვლევები ჩატარებული. მხოლოდ ასე დგინდება, თვალბუდე რომ არის ჩამსხვრეული, იქიდან იყო თუარა წასული თვალით შეუმჩნეველი ბზარები მიმდებარედ. ნებისმიერ ასეთ “შეუმჩნეველ ბზარს “ , თუ არ უმკუნალებ, შეუძლია გამოიწვიოს სიკვდილი, თანაც არაუცებ, რამდენიმე დღეში. ჩვენ ვიცით, რომ ლექსო რამდენიმე , ორ თუ სამ დღეში, კლინიკიდან ქუჩაში დატოვეს. “თვითონ წავიდაო”, ესეც იკადრეს.
ამის გატარება არ შეიძლება.
ყველაფერი უნდა ვიღონოთ, საერთაშორისო-კომისიური ექსპერტიზის ჩათვლით (მაპატიეთ, მძიმე ტერმინოლოგია)-თავის ქალის უტყუარი კვლევა თვეების კი არა, წლების მერეც შესაძლებელია.”
კომენტარები