ჟურნალისტი, ნაზიბროლა რეხვიაშვილი:
“ეს რუსი მსახიობები, ტელეწამყვანები და კიდევ ვიღაც “ელიტნი” ტიპები რომ დამწკრივდნენ ახლა და ბოდიში, პუტინის პროპაგანდის რომ მჯეროდაო, ერთმანეთის მიყოლებით გვებოდიშებიან, აქამდე სად იყვნენ?
აი სანქციებმა რომ მოუჭირათ, მერე გამოფხიზლდნენ და ალტერნატიული საინფორმაციო წყაროებით დაინტერესდნენ?
და ახლა სად წავიღოთ მაგათი ბოდიში, ვის გავუკეთოთ, რომელ დისკომფორტსგამოქცეულ რუსს მივაბათ?
ეგ კარგი, ამათ რაღაც მაინც უგრძვნიათ, მაგრამ ეს “ალტ-ინფო” რომ რუსეთისკენ იქაჩება, როცა იქიდან სხვები გამორბიან, რა მოვლენასთან გვაქვს საქმე?
ან ამ ანტისახელმწიფოებრივ ალტინფოელებსა და მათ მრევლს რომ ჩვენი ხელისუფლება არ იმჩნევს, სამაგიეროდ კი პუტინის წინააღმდეგ აქციაზე მდგარ ახალგაზრდებს აპატიმრებს, ციხეში გაშვებით ემუქრება, ეს რატომ ჰგავს ასე ძალუმად რუსეთის ხელისუფლების მეთოდებს?
და ჩვენი ზოგიერთი მაღალრეიტინგული ტელევიზია როდის მიხვდება, რომ პუტინი სამყაროს უდიდესი ბოროტებაა, როდის დაანებებს თავს რუსული აგრესიის ლამაზად შეფუთვის მცდელობას?
კაი ახლა, ეს კითხვები რიტორიკულია და პასუხებს არ ველოდები.
ნაწილის პასუხი ვიცი, ერთნაირად აღვიქვამთ სიტუაციას. მეორე ნაწილი კი ისეთ შტერობებს იბჟუტურებს, მაგის ნერვი არ მაქვს.
და დარჩეს ასე უპასუხოდ, ვის რას გიშლით რო?”
კომენტარები