ექიმი, მისისიპის უნივერსიტეტის პროფესორი ზურაბ გურული:
“1945 წლის 11 აპრილს, ამერიკის არმიის 89-ე დივიზიის მებრძოლები ბუხენვალდში შევიდნენ. ამერიკელებს მაშინ ოფიციალური დირექტივა ჰქონდათ, რომ გერმანული სამოქალაქო მოსახლეობისათვის უშუალოდ გაეცნოთ ყველა ის საშინელება, რაც მათმა მთავრობამ და თანამემამულეებმა ჩაიდინეს. ამიტომ, ერთად მოაგროვეს ბუხენვალდთან ახლოს მყოფი ვაიმარის მოსახლეობა და საკონცენტრაციო ბანაკი აწმენდინეს. ბევრს გული წაუვიდა, მაგრამ ამერიკელი ჯარისკაცები გულგრილად აგრძელებინებდნენ გვამების მარხვას.
ცნობილი ჟურნალისტი ედვარდ მაროუ იხსენებს: – იმ დროს ფართოდ იყო მიღებული შეხედულება, რომ რიგითმა გერმანელებმა არაფერი იცოდნენ ამ საშინელებების შესახებ; მაგრამ გავიდა დრო, არაერთი კვლევა ჩატარდა და აღმოჩნდა რომ ყველამ ყველაფერი შესანიშნავად იცოდა თურმე.
ისეთი საზარელი დანაშაულებები ჩაიდინა გერმანელმა ერმა კაცობრიობის წინაშე, რომ ერთადერთი გზა მათი კათარზისისათვის ამ დანაშაულებათა გრაფიკული გააზრება გახდა. აუტანელი ტკივილისა და დამცირების სრულად შეგრძნების შემდეგ გააცნობიერა გერმანელმა ერმა საკუთარი ნამოქმედარი და განწმენდილი დაუბრუნდა კაცობრიობას.
ამიტომ, არაფერია საუხერხულო რუსებისათვის იმის შეხსენებისას, რომ საკუთარი ერის ჩადენილ ბოროტებებსა და ნაძირლობაზე პასუხი უნდა აგონ. მხოლოდ ტკივილისა და დამცირების სრულად შეგრძნებითა და გააზრებით შეძლებენ განწმენდას როგორც ერი და ქვეყანა. ეს მათ სჭირდებათ ყველაზე უფრო. ჩვენთვის კი ერთგვარი მოვალეობაცაა, მოვალეობა ყველა იმ ტანჯული სულის წინაშე, რომელიც ამ უბოროტესმა ქვეყანამ შეიწირა; მოვალეობა კაცობრიობის წინაშე და ამის გაკეთება ცივი დუმილითაც შეიძლება.”
კომენტარები