ევროკავშირის წამყვანმა პოლიტიკურმა ჯგუფმა, ევროპის სახალხო პარტიამ (EPP), ევროკომისიის პრეზიდენტის თანამდებობაზე, ურსულა ფონ დერ ლეიენის კანდიდატურას მხარი დაუჭირა. ის პარტიის ერთადერთი კანდიდატი იყო.
ბუქარესტში პარტიის ყრილობაზე გამართულ კენჭისყრაზე მას მხარი 400-მა დელეგატმა დაუჭირა, წინააღმდეგი კი 89 იყო.
ლეიენის განცხადებით, ევროკავშირის მთავარი გამოწვევები უკრაინის ომი, ღაზაში კრიზისი და ჩინეთის გაძლიერებაა.
“აქ, სახლში, პუტინის მეგობრები ცდილობენ გადაწერონ ჩვენი ისტორია და მოგვპარონ მომავალი. კლავიატურას ამოფარებულები სიძულვილს ავრცელებენ. ჩვენი მშვიდობიანი და ერთიანი ევროპა პოპულისტების, ნაციონალისტებისა და დემაგოგების მხრიდან გამოწვევის წინაშეა,” – განაცხადა მან.
კომენტარები