ჟურნალისტი, ლაშა ბერულავა:
“
მე გეტყვით ჩემს აზრს, რა არის გასაკეთებელი სასწრაფოდ და რა აქციაა დასაწყები რუსთაველზე დღეს ან ხვალ, თუნდაც 50, 100, 200 ადამიანით, რომელთა მიზანი იქნება ადამიანის სიცოცხლის გადარჩენა…
მე გეტყვით ჩემს აზრს, რა არის გასაკეთებელი სასწრაფოდ და რა აქციაა დასაწყები რუსთაველზე დღეს ან ხვალ, თუნდაც 50, 100, 200 ადამიანით, რომელთა მიზანი იქნება ადამიანის სიცოცხლის გადარჩენა… ხვალ, ზეგ, მაზეგ გვიანი იქნება: ადამიანი კვდება, ხალხო! კლავენ! საერთოდ არა აქვს მნიშვნელობა, მესამე პრეზიდენტი სუფთა სამართლებრივი კუთხით, რა ბრალდებით ზის ციხეში – ის სასჯელს კი არ იხდის, ნელი სიკვდილით კვდება და ჩვენ ამას ვუყურებთ!!! ამიტომაც სასწრაფოდ უნდა დაიწყოს აქცია ერთადერთი მოთხოვნით: ჯანმრთელობის მძიმე მდგომარეობიდან გამომდინარე, გადაუვადდეს სასჯელი მიხეილ სააკაშვილს!!! ულეგიტიმურესია ეს მოთხოვნა იმიტომ, რომ ამ დედააფეთქებულ ქვეყანაში არსებობს “კანონიერი ქურდებისთვის”, ბევრად მსუბუქ მდგომარეობაში, მსგავს სიტუაციაში სასჯელის გადავადების პრეცენდენტი! ენმ – დაიკიდე ყველაფერი და გააკეთე ეს, ორგანიზება გაუწიე თუნდაც პარტიის 200 წევრის გამოყვანას რუსთაველზე – პლაკატებით, ტრანსპარანტებით, ბანერებით და მოუწოდე ყველას, ვისთვისაც არ არის სულერთი ადამიანის ბედი, შეუერთდეს აქციას. გამოიყვანეთ ექიმები, ექსპერტები, ადვოკატები, რომლებიც ილაპარაკებენ ისე, როგორც შალვა ხაჭაპურიძემ ილაპარაკა წუხელ, ტვ პირველის ეთერში – მაღალფარდოვანი, იურიდიული ტერმინებით კი არა, კამერის წინ კეკლუცობით კი არა – უბრალო, გასაგები ენით აღწერონ, არაფრის შელამაზება არ არის საჭირო, არც გადაჭარბება, მოცემულობა არის ასეთი, რომ ადამიანი, მესამე პრეზიდენტი კვდება! რაც უნდა მძიმე მოსასმენი იყოს ეს, ასეა! და რაც მალე მიიტანთ ამას უბრალო ადამიანებამდე, რომლებიც უამრავნი არიან და რომლებსაც ჯერ კიდევ არ სჯერათ ბოლომდე, სჭირდებათ დარწმუნება, რომ მესამე პრეზიდენტი სასიკვდილოდაა განწირული და ხმა თუ არ ამოვიღეთ, მისი მდგომარეობა დღითიდღე გაუარესდება და მერე რაც მოხდება, შთამომავლობა არ გვაპატიებს! დაამონტაჟეთ მონიტორები, აჩვენეთ ხალხს სასამართლო პროცესის კადრები, წაუკითხეთ ექსპერტების დასკვნები, ევროპარლამენტართა განცხადებები, ევროკავშირის რეკომენდაციები წაიკითხეთ, ჩართეთ ლაივში ის ევროპერლამენტარები, რომლებიც პოლიტპატიმრებზე საუბრობდნენ და აკეთებდნენ განცხადებებს, მოასმენინეთ ხალხს მათი აზრი, გამობრძანდით ამ აქციაზე პოლიტიკოსები, თუნდაც მცირე მასით დაიწყეთ და თქვით, რომ აქ იდგებოდით, მიხეილ სააკაშვილის ნაცვლად რომ ციხეში ბიძინა ივანიშვილი იჯდეს და მას კლავდნენ ასეთი მტანჯველი და ნელი სიკვდილით… დაიწყეთ და ნახავთ, თუ არ გამოვა ხალხი – გამოვა! და როცა გამოვა, მერე ყველაფერი გამოვა, სხვანაირად არა… და დაე, დაერქვას ამას მიშისტების, ნაცსექტის, ომის პარტიის აქცია – რაც გინდა დაერქვას, ოღონდ გადარჩეს – ადამიანი გადარჩეს!!! და თუ ესეც არ შეგიძლიათ – 200-500 კაცით აქციის დაწყება, მაშინ რა შეგიძლიათ საერთოდ?”
კომენტარები