არჩილ თალაკვაძემ ისაუბრა რამდენიმე საკითხზე, რომელიც დღეს მმართველმა გუნდმა “მოქალაქეებთან” ერთად განიხილა:
„მოგეხსენებათ, ეს არის პირველ რიგში, ბარიერის დაწევის საკითხი 2024 წლის საპარლამენტო არჩევნებისთვის. ეს არის უფრო დაზუსტებული რეგულაციები საარჩევნო პროცედურებთან დაკავშირებით. ეს არის ახალი ტექნოლოგიების შემოტანა საარჩევნო პროცესში, როგორიც არის მაგალითად ელექტრონული მთვლელების გამოყენება და როგორიც არის მაგალითად თითის ანაბეჭდებით რეგისტრაცია. სხვა მნიშვნელოვანი საკითხები ეხება რა თქმა უნდა ცესკო-ს დაკომპლექტების წესს, რომ ყველა პოლიტიკური პარტია, რომელიც პარლამენტში მონაწილეობს პროცესში და პარლამენტში შესულია, იყოს იქ წარმოდგენილი.
პარლამენტის თავმჯდომარის თქმით, იმედი აქვს, რომ ამ მოლაპარაკების შედეგად პარტია „მოქალაქეებთან“ შეთანხმდებიან და აღნიშნა, რომ „ეს შეთანხმება ღია არის სხვა პოლიტიკური პარტიებისთვისაც“.
„ვისაც მიაჩნია, რომ ის სამართლიანი პირობები, რაც პირველ რიგში ნიშნავს, რომ არჩევნებთან დაკავშირებული პრეტენზიები გადავამოწმოთ ერთად, საგამოძიებო კომისიის ფარგლებში პარლამენტში და მეორე, მომავალ თვითმმართველობის არჩევნებს შევხვდეთ კიდევ უფრო გაუმჯობესებული კანონმდებლობით, კიდევ უფრო უკეთეს გარემოში. ეს ორი მნიშვნელოვანი საკითხი დგას დღეს ჩვენს წინაშე. მოლაპარაკებების მაგიდაზე დევს ეს ორი საკითხი და ჩვენ დიდი იმედი გვაქვს, რომ ამაზე პოზიტიური შეთანხმება მოხდება“
ალეკო ელისაშვილმა კი ისაუბრა ასევე პოლიტპატიმრებზე და თქვა, რომ პოლიტპატიმართა სიაში იყო 5 გვარი, საიდანაც 2 გამოვიდა, რადგან მათი საქმე მძიმეა.
არჩილ თალაკვაძემ კი თავის გამოსვლაში თქვა, რომ დავით გარეჯის თემა პოლიტიკური მოლაპარაკებების პროცესში არ განიხილება!
არჩილ თალაკვაძის თქმით, არ განიხილება რიგგარეშე არჩევნები, რადგან არჩევნები ლიგიტიმურია: ” დასკვნა, რაც საერთაშორისო სადამკვირვებლო ორგანიზაციებმა გააკეთეს საპარლამენტო არჩევნებთან დაკავშირებით, არის რეალობის ამსახველი, არის სიმართლე. არჩევნები ჩატარდა კონკურენტულ გარემოში ფუნდამენტური უფლებების დაცვით. ის არის ლეგიტიმური.”
ალეკო ელისაშვილი კი ისევ იმეორებს, რომ, თუ ოპოზიცია მოახერხებს დაამტკიცოს, რომ არჩევნები გაყალბდა, მაგ შემთხვევაში რიგგარეშე არჩევნები ჩატარდება. შეგახსენებთ, თავის მხრივ, ალეკო ელისაშვილიც ამბობს, რომ არჩევნები გაყალბდა – მაგრამ, აროგორ დაამტკიცებს ამ გაყალბებას, ეს უცნობია.
არჩილ თალაკვაძემ ისიც განაცხადა, რომ ოპოზიციურ პარტიებს, 1 კვირიანი ვადა დარჩათ გადაწყვტილების მისაღებად:
“დაახლოებით ერთ კვირაში საქართველოს პარლამენტი უკვე რეგლამენტის თანახმად, იმსჯელებს იმ დეპუტატების უფლებამოსილების შეწყვეტა, არშეწყვეტასთან დაკავშირებით, რომელთაც აქვთ შემოტანილი ოპოზიციიდან განცხადებები, შესაბამისად, რჩება დაახლოებით ერთი კვირა, რათა ოპოზიციურმა პარტიებმა გადახედონ გადაწყვეტილებებს. გადახედონ მოლაპარაკებების პირობებს და მიიღონ საბოლოო გადაწყეტილება ამასთან დაკავშირებით. პროცედურას განგიმარტავთ. საპროცედურო საკითხთა კომიტეტი კონკრეტულ ვადებს ფლობს რეგლამენტით, რომელიც უკვე ამოწურულია. ჩვენ გვავალდებულებს, რომ პირველივე სხდომაზე ეს საკითხი გამოვიტანოთ კენჭისყრაზე და რა თქმა უნდა, ვისაც ვერ დაუკავშირდა კომიტეტი პოზიციის გადასამოწმებლად, მათი განცხადებების ვერიფიკაციისთვის, მათთან მიმართებაში ჩვენთვის ინდიკატორი იქნება ის ადამიანები, კენჭისყრის დღეს წარმოდგენილი იქნებიან თუ არა სხდომათა დარბაზში“
კომენტარები