ჟურნალისტი ბონდო მძინარაშვილი:
,,გაკვირვებული ვარ, რატომ არ უფიქრდება ევროკავშირის მისია საქართველოში, რა ხდება და საით მიდის პროცესები?!
მართლა ძალიან მიკვირს: უკვე მეორედ ევროკავშირის დროშა ჩამოხსნეს პარლამენტის სასახლის წინ, ფლაგშტოკიდან, და ელჩი და მისი თანამშრომლები ბოლომდეჯ ვერ იაზრებენ, რომ ეს სწორედ მათი პოლიტიკის შედეგია?!
საქართველოს ევროპული მომავალი აქვს და ჩვენ ყველაფერი უნდა გავაკეთოთ ევროპულ ოჯახში ჩვენი ადგილის ღირსეულად დასამკვიდრებლად!
ამ ფონზე კი, ევროკავშირის მისიის, პირდაპირ ვიტყვი, გამაღიზიანებელი პოლიტიკის გამო, ხალხი ევროკავშირის დროშას ძირს ადგებს!
ევროკავშირი ბევრ კარგ პროექტს აფინანსებს, ქვეყნის ეკონომიკის ფეხზე დადგომაში გვეხმარება და შედეგებიც ჩანს!
განა, რად გიღირთ ეს მარშები, რომ ხალხის განწყობა არ გაინტერესებთ?!
იგივე უნდა ითქვას ამერიკის საელჩოზეც!
რატომ არ ითვალისწინებთ ქართული ცხოვრების წესს, ტრადიციებს, ღირებულებებს?!
ამერიკელების უსაყვარლესმა პრეზიდენტმა რონალდ რეიგანმა თქვა, რომ “ამერიკა დგას ოთხ მთავარ ღირებულებაზე: ღმერთისადმი რწმენაზე, სიტყვის თავისუფლებაზე, ოჯახის ინსტიტუტზე და ეკონომიკურ თავისუფლებაზე” (1988 წელი).
განა, ჩვენ სხვა რამ გვინდა?!
ანდა ამერიკამ თქვა უარი ამ ოთხ მთავარ ღირებულებაზე?!
ჩვენ ვიცით, რომ საქართველო ახალი დამოუკიდებელი სახელმწიფოა და ბევრი პრობლემა აქვს!
ვიცით, როგორ გვეხმარებით და მადლიერებაც არაერთხელ გამოგვიხატავს!
დაგვეხმარეთ სიტყვის თავისუფლების განმტკიცებაში, ეკონომიკური თავისუფლების მოპოვებაში, მართლმსაჯულების რეფორმის განხორციელებაში… მაგრამ ნუ შეეხებით ღმერთისადმი რწმენას და ოჯახის ინსტიტუტს!
გვასწავლეთ, როგორ ავაშენოთ ძლიერი სახელმწიფო, მაგრამ ლოცვას ნუ გვასწავლით, რადგან ჩვენი წინაპრები სარწმუნოებისთვის სიცოცხლეს სწირავდნენ, ოჯახის ღირსებას კი თვალისჩინივით უფრთხილდებოდნენ. ჩვენ ვიცით, რომ ოჯახის ინსტიტუტი ამერიკელებისთვისაც განსაკუთრებით მნიშვნელოვანია!
ხომ ხედავთ, რომ საქართველოში “ნაჯახით” მოქმედება ამერიკის და, ზოგადად, დასავლეთის მიმართ ნეგატიურ განწყობებს აჩენს?!
და ამასაც რომ თავი დავანებოთ: რატომ აპირისპირებთ ხალხს საქართველოში, რის მიღწევას ცდილობთ?!”
კომენტარები