“ეჰეი, ხელისუფლებავ, თუ “ფორმულას” დააყადაღებ, მინდა დაგარწმუნო…” – ტაბლიაშვილი

ჟურნალისტი, ირაკლი ტაბლიაშვილი:

“ჩემი განცხადება-განწყობა-
გადაწყვეტილება!!!

ეჰეი – საქართველოს ხელისუფლება! შენ მოგმართავ! შენს ყველა წევრს – მათ შორის, ნაცნობებსაც!

მსურს, დაგარწმუნოთ, რომ … რომ, იმ შემთხვევაშიც კი, თუ ტელეკომპანია “ფორმულას” მაუწყებლობის პრობლემა შეექმნება… თუ არხს დააყადაღებთ და… ოთხკუთხედ აღმასრულებლებს ან მრავალფეხა ჭინკებს დავლანდავ ლიფტთან!
თუ კამერას, “პეტლიჩკას”… ხმის პულტს, განათებას, კომპიუტერს და საგრიმიოროში რაღაც “პუდრებს” დააკრავთ მწვანე ფურცელუკას წარწერით – დაყადაღებულია!

თუ მუშტებს დაგვირტყამთ ან… არ დაგვირტყამთ!

დაგარწმუნოთ მინდა!

… არც ერთი! ვიმეორებ – არც ერთი ჩვენგანი! არ და, რაც უფრო მნიშვნელოვანია, ვერ გაჩუმდება აწი უკვე ვეღარასოდეს ვიდრე სამარის კარამდე!

აქვე გეტყვით, რომ არ! არასდიდებით არ! მოხდება ჩვენი პორტირება რომელიმე სახელისუფლო არხზე ან… სახელმწიფო უწყებაში!

არც კალმის გადადება მოხდება და არც ხელთათმანების ლურსმანზე დაკიდება და თქმა – მე დავიღალე! წავედი!

პირადად მე, ამასაც გაგიმხელთ! არც მექსიკის საზღვრისაკენ გამიწევს ფეხი თუ გული! აქ უნდა დავიმარხო! თქვენს კი არა – ჩემს სამშობლოში!

ისიც უნდა იცოდეთ, რომ ხელთ გვიპყრია iphone – ები, samsung – ები და სხვა ტელეფონებ-გაჯეტები და facebook – იც გვაქვს და სხვა პლატფორმებიც… წერა კი ისე ვიცი(თ)… თქვენს საუკეთესო მწერლებსაც დავცემთ ბეჭებზე (ეგ რა მაგის პასუხია და, მართლა ვინ წერს თქვენთან კარგად? ნუთუ ანრი ოხანაშვილი?)

ცხადია! ცხადია! უ-რთულესი იქნება შემოსავლების გარეშე დარჩენა, მაგრამ… მაგრამ, ზოგ ჩვენგანს, უფრო “ბებრებს” 90-იანი წლებიდან, უარესებიც გვახსოვს-გვინახავს და, ამდენად, დავრდომილებს და ხელგაწვდილებს ვერ ….ვერ … ვერ… გვნახავთ!..

ეს შესავალი იყო… დანარჩენი სხვა დროს!”