სამოქალაქო აქტივისტი, გიორგი გაბედავა, სოციალურ ქსელში, წერს:
“ფოტოზე ადამიანია რომელიც ამირხანაშვილს ხვდება დიდუბეში, ასი პროცენტით შემიძლია ვთქვა რომ ეს ადამიანი არ არის ავთო ბილანიშვილი. არანაირი მსგავსება არ არის.
სრულ მასალას ვეცნობი 28 ივნისის შემდეგ, ბევრი რამ რაც ტელევიზიებში გავიდა მე აღმოვაჩინე და მივუთითე ჟურნალისტებს. ეხლაც ვაკვირდები კადრებს და როგორც კი რამე საეჭვოს შევამჩნევ ამოვჭრი და ვუგზავნი ხოლმე ადვოკატებს რომ მათ გადასცენ ჟურნალისტებს.
მინდა რომ სიმართლე გაირკვეს, ამიტომ არ ვლაპარაკობ წინასწარ ვერსიებზე.
ეს პიროვნებაც 28 ივნისს აღმოვაჩინე და დღემდე მის ძიებაში ვარ, თუ ვინ არის. ამიტომ ზუსტად ვიცი რომ ეს ადამიანი ავთო ბილანიშვილი, ზედმეტსახელად “კაწრო” არ არის. კარგი იქნება თუ ამას ჟურნალისტები გაითვალისწინებენ და უდანაშაულო ადამიანს ხელს არ დაადებენ.
რამეს თუ კიდე ვიპოვი, აუცილებლად გადავცემ ადვოკატებს რომ გაასაჯაროვონ!
ასევე მინდა ერთ მნიშვნელოვან დეტალზე გავამახვილო ყურადღება! იმ მასალაში რაც გადაეცა დაცვის მხარეს, არ არის ის ორიგინალი კადრები სადაც ჩანს წინხედი ლუკოილის ბენზინგასამართი სადგურიდან, სადაც ამირხანაშვილის მანქანიდან გადმოსვლა ჩანს, პროლურატურის გასაჯაროვებულ კადრებში კი ეს კადრები არის, მასალაში არის მაგ კამერით გადაღებული დღის კადრები, გამქრალია იმ დროის კადრები სადაც ამირხანაშვილის მანქანიდან გადმოსვლა ჩანს. პროკურატურა ვალდებულია გადასცეს დაცვის მხარეს ყველა მასალა და არა ესე, დანაკლისით. თან დააკვირდით პროკურატურის გასაჯაროვებულ კადრების მაგ ნაწილს სადაც ამირხანაშვილი გადმოდის მანქანიდან, ორიგინალიდან ამოჭრილიც არ გახლავთ, ტელეფონით იღებენ ეკრანს, რაც ისედაც ცუდ ხარისხს კიდევ უფრო აუარესებს. აქედან გამომდინარე უამრავი კითხვა ჩნდება!
საქართველოს პროკურატურა / The Prosecution Service of Georgia სად არის ორიგინალი კადრები ლუკოილის მესამე კამერიდან რაც ამოიღეთ, რატომ არის მხოლოდ დღის კადრები! ეს კადრები რომ იყოს, მარშუტკის ნომერსაც დავაფიქსირებდით და პიროვნებაც უკეთესად გამოჩნდებოდა! ველოდები პროკურატურის პასუხს!”
კომენტარები