ძლიერი პანიკა, ჰალუცინაციები, კრუნჩხვები, სუნთქვის შეჩერება, სიკვდილი – ნარკოლოგი, ზურაბ სიხარულიძე განმარტავს, რას იწვევს ახალი საშიში ნარკოტიკი.
მედიკოსის თქმით, მან მოიძია ინფორმაცია და აღამოჩნდა, რომ საქართველოში, ახალი, გაურკვეველი ნივთიერება იყიდება, რომელიც ევროპაში უკვე რეგისტრირებულია, როგორც ერთ-ერთი უმძიმესი სინთეზური კანაბინოიდი.
ზურაბ სიხარულიძის თქმით, როგორც ჩანს, ახალ ნარკოტიკს აქ, საქართველოში ამზადებენ, რადგან “გარდა იმისა, რომ ცალკე მოიხმარენ, ასევე მას ურევენ სხვადასხვა ფსიქოაქტიურ ნივთიერებებში”.
ამ ბოლო ერთი თვის მანძილზე ჩვენ ვხედავთ, რომ მოწია რაღაც, ვითომ უვნებელი და ან სიკვდილით დამთავრდა, ან ფსიქოზით, რომლითაც მერე საკმაოდ მძიმე ფსიქიკური აშლილობა გამოიწვია, ან კომატუზურ მდგომარეობაში მოხვდა “ემერჯენსში”. რამდენიმე კვირის წინ, რა დასამალია და მეც ვნახულობ ამ Telegram არხებს იმიტომ, რომ სხვა ინფორმაცია ჩვენ არ გვაქვს, ამიტომ ჩვენ უნდა მოვიძიოთ ეს ინფორმაცია, ამიტომ ვნახე გაურკვეველი ახალი ნივთიერება, რომელიც იყიდებოდა, მერე ე.წ ბაბლში გავიკითხე რა არის და მითხრეს, რომ სავარაუდოდ ეს არის, მერე უკვე დავინტერესდი და ბევრი შემთხვევა აღმოჩნდა. ეს ძალიან მძიმეა, ევროპაში არის უკვე ეს რეგისტრირებული, როგორც ერთ-ერთი უმძიმესი სინთეზური კანაბინოიდი, რომელიც იწვევს ძალიან მძიმე შედეგებს. როგორც ჩანს, აქ ამზადებენ იმიტომ, რომ გარდა იმისა, რომ ცალკე მოიხმარენ, ასევე მას ურევენ სხვადასხვა ფსიქოაქტიურ ნივთიერებებში,” – განაცხადა ზურაბ სიხარულიძემ.
კომენტარები