“მთავარის” დირექტორი, ნიკა გვარამია, სოციალურ ქსელში, წერს:
“4 წლის ძებნილი ბეჟან გვაზავა, მძიმე კრიმინალი და რეციდივისტი, აი, ის, ზუგდიდის ტერაქტი რომ უნდა აეღო საკუთარ თავზე, დადის ქართული ოცნების შტაბებში სამეგრელოში. ცხადია, დავაფიქსირეთ, გადავიღეთ და განახებთ მთავარში ცხრაზე!”
“ალია” შეგახსენებთ, რომ ბეჟან გვაზავას სასამართლო პროცესი, რომელიც ბრალდებულის დაუსწრებლად გაიმართა, რადგან იგი ვერ დააკავეს, 2019 წლის დეკემბერში დასრულდა და მას დაუსწრებლად შეეფარდა სასჯელად 7 წლით თავისუფლების აღკვეთა. მას ბრალი ჰქონდა წაყენებული განზრახ მკვლელობის მუხლით.
ბეჟან გვაზავამ ცეცხლსასროლი იარაღით ალიკა ლაგვილავას ესროლა.
გვაზავა გრიგოლიშის “ქართული ოცნების” შტაბის ხელმძღვანელი იყო, ხოლო ალიკა ლაგვილავა ამავე შტაბის კოორდინატორი. ბეჟან გვაზავასა და ალიკა ლაგვილავას შორის დავა მიწის ნაკვეთს უკავშირდებოდა.
კომენტარები