“ძალიან უცნაური სიჩუმის ფონზე დიდი ამბები ხდება! ,,სიტუაციური ოთახი” ამერიკაში აქტიურდება მხოლოდ მაშინ, როცა ესაა მოსალოდნელი” – ნიკო მიქაია

1. 25 ოქტომბერს აშშ-მ კიდევ ორი ავიამზიდი დაძრა ისრაელისკენ! ანუ დაახლოებით 14-15 დღეში რეგიონში განლაგდება 4 დამრტყმელი ავიამზიდი! ბრიტანეთმა სამეფო ფლოტის გემები რამდენიმე დღის წინ გადაისროლა რეგიონში და დღეს ოფიციალურად დადასტურდა, რომ საფრანგეთმა მისტრალიც გაგზავნა უკვე!

2. ბაიდენმა რამდენიმე დღის წინ ,,სიტუაციურ ოთახში” ჩაატარა სპეციალური თათბირი! ,,სიტუაციური ოთახი” ამერიკაში აქტიურდება ძალიან იშვიათად და მხოლოდ მაშინ, როცა მოსალოდნელია ომი ან რამე ძალიან სერიოზული სამხედრო ოპერაცია ან თავდასხმა ამერიკაზე! როგორც ცნობილია ბოლოს ბინ-ლადენის ლიკვიდაციის ოპერაციის იყო ამერიკის პრეზიდენტი ამ ბუმკერში და ოქედან ადევნებდა თვალს განვითარებულ მოვლენებს!

3. რამდენჯერმე დაიბომბა ამერიკის სამხედრო ბაზები რეგიონში და პენტაგონმა ოფიციალურად დაადასტურა რამდენიმე ამერიკელი ჯარისკაცის დაჭრა! გუშინ ბაიდენმა ოფიციალურად გააფრთხილა ირანი და მისი ,,პროქსები”, რომ თუ მსგავსი რამ განმეორდება, ამერიკა გასცემს ყველას პასუხს და ირანი ამისთვის უნდა იყოს მზად!

4. გუშინ ერთმანეთს შეხვდნენ ჰამასის, ჰეზბოლას და ისლამური ჯიჰადის ლიდერები და განიხილეს როგორი უნდა იყოს მათი კოორდინირებული მოქმედებები ,,ისრაელის სისასტიკის” წინააღმდეგ.

5. ბენიამინ ნეთანიაჰუმ დღეს თქვა, რომ დამტკიცებულია სახმელეთო ოპერაციის გეგმაც და დაწყების თარიღიც, მაგრამ დეტალებზე არ ისაუბრებს! ნუ არსებობს ოფიციალური მუქარები ირანიდან და მისი ,,პროქსებიდან”, რომ სახმელეთო ოპერაციის შემთხვევაში ისინი გაანადგურებენ ისრაელს!

6. ისრაელში უფრო და უფრო აქტიურდება ანტი-რუსული განწყობები! გახსოვთ ალბათ რამდენიმე დღის წინ ლიკუდის პარტიის ერთ-ერთი ლიდერის ჩართვა RUSSIa TODAY-ს ეთერში, სადაც მან ოფიციალურად დაადანაშაულა რუსეთი ჰამასის მხარდაჭერაში და პასუხისმგებლობითაც დაემუქრა! ჰამასის უკან რომ ირანთან ერთად რუსეთიც დგას, ამაში უკვე ეჭვი არავის ეპარება!

7. ამერიკამ ასევე გააძლიერა მისი სამხედრო ბაზები რეგიონში საჰაერო თავდაცვის სისტემებით (რაც ასევე მხოლოდ იმ შემთხვევაში ხდება, როცა ის ბაზები ელოდებიან თავდასხმებს!

8. და ბოლოს: ბოლო რამდენიმე დღეა ძალიან უცნაური და საშიში სიჩუმეა რეგიონში (თუ ისრაელის ავიაიერიშებს არ ჩავთვლით). და უბრალოდ მიდის არანორნალურად დიდი რესურსების მობილიზება ორივე მხარეს!

ვიმეორებ: საკითხი ძალიან სპეციფიურია და მაქსიმალურად მშრალად დავწერე ყველაზე საინტერესო ფაქტები! არაფრის მტკიცება არ მინდა, მაგრამ ჩემი მოკლე ჭკუით დიდი ომი გარდაუვალია! 4-5 წელიწადში იქნება ახალი მსოფლიო! და ეს მსოფლიო იქნება სხვანაირი: ან ძალიან ნათელი, ან ძალიან ბევრი წლით დაბნელდება!

პ.ს. ყველაზე მაგარი კი ის მოხდა ამ დღეებში, რომ სი ცზინ პინმა გააკეთა განცხადება, რომ ჩინეთმა და ამერიკამ აუცილებლად უნდა ითანამშრომლონ ყველა მიმართულებით!