მომღერალი ქეთა თოფურია სოციალურ ქსელში ვიდეომიმართვას ავრცელებს.
მისი თქმით, ადამიანებთან ურთიერთობის შეცვლას გეგმავს და აპირებს ბავშვობისდროინდელ მიდგომას დაუბრუნდეს.
“ახლა ვფიქრობდი და ჩემი თავი გამოვიჭირე, რომ თინეიჯერობისას ისეთი კეთილი ბავშვი ვიყავი, ყველა მიყვარდა, ყველა ადამიანი გარშემო და ყველაში ვცდილობდი, კარგი მეპოვა… ახლა კი რაღაც მომენტში დავაფიქსირე, რომ მხოლოდ ის ადამიანები მიყვარს, ვინც ჩემი ნდობის გარემოცვაა – ოჯახის წევრები, მეგობრები, ახლობლები… მათზე ვგიჟდები, მათ გამო ყველაფერს გავაკეთებ. ხოლო ვინც ამ წრის გარეთ არის, ისინი არ მიყვარს… და მივხვდი, რომ ამაზე უნდა ვიმუშაო, რადგან ასე უფრო იოლი იქნება ცხოვრება… ვიღაც არ დამეთანხმება და იტყვის, რომ ალბათ მეტი იმედგაცრუება იქნება და სულაც არ გამარტივდება ამით ცხოვრება… მაგრამ მაინც უნდა ვისწავლოთ რაღაცნაირად ისე სიყვარული, რომ უკან არ ველოდოთ სამაგიეროს. უბრალოდ გვიყვარდეს და მორჩა… ეს ალბათ ძალიან რთულია. მაგრამ ვეცდები… ადრე ეს გამოგვდიოდა, ახლა კი ადამიანს გაიცნობ და იწყებ ფიქრს, რა აქვს ამ ადამიანს ცუდი, პირიქით, უნდა ვიპოვოთ ადამიანებში კარგი,“ – ამბობს ქეთა თოფურია.
კომენტარები