“ძალადობა არასდროსაა სწორი პასუხი” – ეუთოს თავმჯდომარე ყაზახეთში შექმნილ ვითარებაზე

ეუთოს თავმჯდომარე და პოლონეთის საგარეო საქმეთა მინისტრი, ზბიგნევ რაუ ყაზახეთში ვითარების დეესკალაციის მოწოდებით გამოდის.

„როგორც ეუთოს თავმჯდომარე, ყურადღებით ვაკვირდები ყაზახეთში განვითარებულ მოვლენებს. ძალადობა არასდროს არის სწორი პასუხი არსებული გამოწვევების გადასაჭრელად. მხარეებს სიტუაციის დეესკალაციისა და დიალოგის დაწყებისკენ მოვუწოდებ“, – დაწერა ზბიგნევ რაუმ Twitter-ზე.