“ენმ”-ის წევრი, რომან გოცირიძე:
“უკრაინის პრეზიდენტს მადლობა არ დავიწყნია ნატოს გუშინდელი სამიტის გადაწყვეტილებების შეფასებისას, მაგრამ უკმაყოფილება გამოთქვა ქვეყნის ნატოში გაწევრიანების კონკრეტული ვადების არაარსებობის გამო. ასევე შეახსენა ნატოს წევრ სახელმწიფოებს, რომ უკრაინა იცავს მთელს ევროპას რუსეთის აგრესიის გაფართოებისაგან.
რას აკეთებს საქართველოს ხელისუფლება ამ დროს? იხდის მხოლოდ მადლობებს და არ ითხოვს ენერგიულად ნატოსგან პროცესის დაჩქარებას.
სამი ათეული წლის წინათ გამოთქვა ედუარდ შევარდნაძემ ნატოს კარებზე დაკაკუნების სურვილი. შემდეგ ვაკაკუნებდით კარგა ხანი და კარებიც გაიღო. ნატოს ბოლო სამიტზეც “ღია კარის პოლიტიკას” კიდევ ერთხელ გაესვა ხაზი. ვდგავართ მრავალი წელია კარების ზღურბლზე და ადგილზე ვიტკეპნებით. დროა ხმამაღლა ვთქვათ (უკრაინის მსგავსად): მოვედით!
კარზე ხომ ვერ დავაკაკუნებთ-ღიაა.”
კომენტარები