დიდი ბრიტანეთისა და ჩრდილოეთ ირლანდიის გაერთიანებული სამეფო უკრაინის დასახმარებლად დამატებით 100 მილიონ დოლარს გამოყოფს. ამის შესახებ ინფორმაცია ბრიტანეთის მთავრობის ოფიციალურ ვებგვერდზე გამოქვეყნებულ განცხადებაშია ნათქვამი.
განცხადებაში, აღნიშნულია, რომ დიდი ბრიტანეთი დამატებით 100 მილიონ დოლარს გამოყოფს პირდაპირ უკრაინის სახელმწიფო ბიუჯეტში, რუსეთის მიერ არაპროვოცირებული და უკანონო შეჭრით გამოწვეული ფინანსური ზეწოლის შესამსუბუქებლად.
ეს თანხები შეიძლება გამოყენებულ იქნეს საჯარო სექტორის მუშაკებისთვის ხელფასების გადასახდელად, სოციალური დაცვის ქსელის მხარდასაჭერად და პენსიების გადასახდელად.
თანხები მსოფლიო ბანკის მეშვეობით იქნება უზრუნველყოფილი.
„რუსეთის უკანონო და სასტიკი თავდასხმის დაწყების დღიდან, ჩვენ ვნახეთ, თუ როგორ ძლიერად უდგას გვერდში მსოფლიო უკრაინის ურყევ ხალხს. ბრიტანეთის დახმარება გათვლილია მათზე, ვისაც ეს ყველაზე მეტად ესაჭიროება. თუმცა მხოლოდ პუტინს შეუძლია მთლიანად შეწყვიტოს ტანჯვა უკრაინაში. ფინანსური დახმარება გამიზნულია იმ ადამიანების დასახმარებლად, რომლებიც ჰუმანიტარული სიტუაციის გაუარესებას განიცდიან“, – განაცხადა ბრიტანეთის პრემიერ-მინისტრმა ბორის ჯონსონმა.
კომენტარები