ანალიტიკოსი, ზურა ბატიაშვილი:
“დიდი ამბავია ჩვენს სამეზობლოში – დღეს “ტრაპიზონსპორის” საფეხბურთო გუნდი თურქეთის ჩემპიონი გახდა და თან ჩემპიონატის დასრულებამდე 3 ტურით ადრე.
რაღა დაგიმალოთ და თურქეთის ჩემპიონატში მეც, ისევე, როგორც ბევრი იქაური ქართველი, “ტრაპიზონსპორის” (თან არველაძეებიც ხომ მანდ თამაშობდნენ) გულშემატკივარი ვარ.
ამ დღეს კი ათწლეულები ელოდა მთელი ტრაპიზონი.
თურქეთში კი ფეხბურთი და განსაკუთრებით “ტრაპიზონსპორი” მხოლოდ სპორტი არაა. იდენტობის ნაწილიცაა. იყო შემთხვევები, როცა გულშემატკივრები თავსაც იკლავდნენ ამ გუნდის წარუმატებლობის გამო.
ძალიან მოკლედ რომ ავხსნა, პატარა ტრაპიზონმა დიდ სტამბოლს (და არამარტო მას) უჩვენა, რომ ბრძოლაში მთავარი შემართებაა. მან პირწმინდად მოუგო ყველა სტამბოლურ გიგანტს – “გალათასარაის”, “ბეშიქთაშს”, “ფენერბაჰჩე”.
დღეს “ტრაპიზონსპორმა” კიდევ ერთხელ დაამტკიცა, რომ ბრძოლის ჟინი უფრო მეტს ნიშნავს, ვიდრე დიდი ფული ან საერთაშორისო ავტორიტეტი.
დღეს ტრაპიზონი ჩემპიონია!
ფოტოზე ლაზი მომღერალი ქაზიმ ქოიუნჯუ “ტრაპიზონსპორის” მაისურში.”
კომენტარები