„დიალოგის დაწყების შედეგად ჩვენი ტერიტორიული მთლიანობის აღდგენისკენაც რომ გადმოიდგას შემხვედრი ნაბიჯები, დასავლეთის მონები ამასაც პროვოკაციას დაარქმევენ“ – შოთა მარტინენკო

„კონსერვატიული მოძრაობის“ ლიდერი, შოთა მარტინენკო სოციალურ ქსელში წერს:

„რუსეთმა უვიზო რეჟიმი დაგვიწესა, ანუ ქართველი ხალხისკენ შემხვედრი ნაბიჯი გადმოდგა და პრეზიდენტმა და მედასავლეთეებმა ისტერიკა მოაწყეს, – ეს პროვოკაციააო.

გარწმუნებთ, დიალოგის დაწყების შედეგად ჩვენი ტერიტორიული მთლიანობის აღდგენისკენაც რომ გადმოიდგას შემხვედრი ნაბიჯები, დასავლეთის მონები ამასაც პროვოკაციას დაარქმევენ, რადგან ერთად-ერთი, რაშიც დასავლეთს საქართველო სჭირდება, რუსეთთან კონფლიქტი და მის საზღვრებთან დანთებული ცეცხლის საწვავ მასალად ჩვენი გამოყენებაა და ყველა ნაბიჯი, რომელიც კონფლიქტს გამორიცხავს, მედასავლეთეებისთვის პროვოკაციაა.

ამათ აფხაზეთიც და სამაჩაბლოც მხოლოდ რუსეთთან კონფლიქტის საშუალებად სჭირდებათ. თუ ვიზები აღარ გჭირდება და ხალხს ბარიერები მოეხსნა, – “ეს პროვოკაციაა”! თუ პირდაპირი ფრენები აღდგა და ხალხს გადაადგილება გაუმარტივდა, – ” ეს პროვოკაციაა”! თუ ტურისტები ჩამოდიან და ხალხმა ფინანსურად ამოისუნთქა, – “ეს პროვოკაციაა”! თუ ტერიტორიებს იბრუნებ და ქვეყანა გამთლიანდა, – “ეს პროვოკაციაა”! ეს არის დასავლეთის და მისი აგენტების ლოგიკა, – პროვოკაციაა ყველაფერი, რაც მტრობას და კონფლიქტს გამორიცხავს.“