“დღეს თითოეული ჩვენგანი გაუსაძლის ტკივილს განიცდის” – სკოლის წერილი

აკადემიმოს ნიკო მარის სახელობის, ჩოხატაურის საჯარო სკოლა, განცხადებად ავრცელებს და წერს:

პედაგოგიური კოლექტივი, მოსწავლეები, მშობლები ვემშვიდობებით ლუკა ჩხიკვიშვილს, ბავშვს, რომელსაც ჯერ კიდევ მთელი ცხოვრება წინ ჰქონდა.
ლუკა იყო სიცოცხლითა და სიყვარულით სავსე ახალგაზრდა. მისი თვალები მხოლოდ სიკეთეს ასხივებდა. უყვარდა ადამიანები და მათთან ურთიერთობა.
დღეს თითოეული ჩვენგანი გაუსაძლის ტკივილს განიცდის. არ ვიცით, რითი ვანუგეშოთ ლუკას ოჯახი. მხოლოდ ჩუმი სევდითა და მწუხარებით მოვიგონებთ მას და გვჯერა, რომ ანგელოზთა გვერდით დაივანებს.
ვლოცულობთ, ჩვენო ლუკა, შენი სულისთვის. უფალმა სასუფეველი დაგიმკვიდროს იმიერ საქართველოში.
მშვიდობით, ზეცაში გაფრენილო ანგელოზო!.

13 წლის ლუკა ჩხიკვიშვილის გარდაცვალების მიზეზად ოჯახი სავარაუდოდ ანესთეზიის გადაჭარბებულ დოზას ასახელებს. მათი ინფორმაციით, მოზარდი ბათუმის იაშვილის სახელობის კლინიკაში მოტეხილი ხელით შეიყვანეს, თუმცა ოპერაციის დაწყებამდე,  ანესთეზიის გაკეთებიდან დაახლოებით 20 წუთში, გული გაუჩერდა.