“დღეს თავად ქრისტე ვნახე ამ ომში, იარაღის ნაცვლად ჯვარი ამშვენებდა მის სამხედრო ფორმას” – ბაინდურაშვილი

“დღეს მორიგი შეხვედრა მომიწია ჯარისკაცებთან. მაშინ როდესაც ჩვენი ნაგავი ზოგიერთი მღვდელი თუ მონაზონი პუტინს ღვთის მათრახად მიიჩნევს და მთელი ეს დღეები სიბრაზისაგან ვიწვი. მაშინ როდესაც პატარა ბავშვები ეწირებიან ამ ომს და სასულიერო სემინარიის ოფიციალური გვერდი, ღრმა მწუხარებით იუწყება რომ მათ სულიერ მოძღვარს ბებია გარდაეცვალა…. აქ ერთი ჯარისკაცი დავინახე, უიარაღოდ, სხვებისგან მხოლოდ დიდი წვერი სათნო სახე გამოარჩევდა, იარაღის ნაცვლად დეკანოზის ოქროს ჯვარი ამშვენებდა მის სამხედრო ფორმას, რომ შევხედე ჭიანჭველების ბუდეში ჩავარდი მეგონა, დავიბენი. გამიღიმა, შემომანათა დიდი სუფთა ჭრელი, სპეტაკი თვალები, კურთხევა ვთხოვე და იძულებული გავხადე ხელზე ვმთხვეოდი, ჩამიკრა გულში, დამლოცა და მადლობა მომიხადა.