ჟურნალისტი, გამოცემა “თაიმერის” დამფუძნებელი, ბერდია კალანდია:
„მომავლის ბიჭი“, რომელიც მომავალში კი არა, სადღაც იქ, უსასრულობაში გავაცილეთ…
ჰო, ნიკო კვარაცხელია დღეს 27 წლის გახდებოდა…
27 წელი… ციფრები, თითქოს, არაფერს ამბობენ, მაგრამ აქედან მხოლოდ 23 წელი იყო დედამიწაზე, თან ისე ატარა დედამიწელის სახელი, რომ წასვლის მერეც უამრავი სიყვარული, სითბოთ და იმედი დატოვა…
ნიკო – სუფთა, ნათელი, მხიარული და უსაზღვრო გეგმების ბიჭი, პერსპექტივა, რომელსაც ყველა, „მომავლის ბიჭს“ ეძახდა.
ბიჭი, რომლის თვალებშიც იმედის ცა ირეკლებოდა და… რომელიც მუხანათურად მოგვიკლეს!
ნიკო… „მომავლის ბიჭი“ – ასე ეძახდა ყველა, ვინც ერთხელ მაინც შეხვედრია, მაგრამ… იმ საშინელმა დღემ ყველაფერი წაგვართვა.
იმ დღეს მხოლოდ ნიკო კი არა, ოცნებები, სიხარული, მომავალი და იმედი მოკლეს…
რატომ?- ესაა კითხვა, რომელზეც პასუხი დღემდე არ არსებობს… და დღემდე დაუჯერებელია მკვლელობის ოფიციალური ვერსია, ვერსია, რომლისაც უპირველესად, დედას არ სჯერა…
დღეს ნიკოს დღეა, „მომავლის ბიჭის“ დღე, ბიჭისა, რომელიც მოამავალში კი არა, სადღაც იქ, უსასრულობაში გავაცილეთ…
ნეტავ, რა ხდება იქ, უსასრულობაში, სადაც ახლა ნიკოა?!
ნეტავ, იქ, თუ აღნიშნავენ ნიკოს დაბადების დღეს?!
ნეტავ, იქ, სადაც ახლა ნიკოა, ტორტზე სანთლებს თუ აუნთებენ და Happy Birthda-ს უმღერებენ?!
ნეტავ…!და უამრავი „ნეტავ“ და კიდევ უფრო უამრავი კითხვა, რომელზე პასუხიც არ არსებობს…
ნიკო, „მომავლის ბიჭო“, შენი წასვლით გამოწვეული ტკივილი არასდროს განელდება, მაგრამ შენ ხარ ბიჭი, რომელიც მუდამ აქვე, ჩვენს გვერდით იქნება და რომელიც სამარადჟამოდ გაგვახსენებს, რომ სიკეთე, ზოგჯერ მარცხდება, მაგრამ დედმიწაზე ბოროტებას გამარჯვება მაინც არ უწერია!
დაბადების დღეს გილოცავთ, ნიკო!
როგორც ამბობენ, ცხოვრება ყოველთვის არ არის მარტივი, მაგრამ მასში იმალება რაღაც ძალა, რომელიც შეგვიძლია გამოვიყენოთ, როდესაც გვჭირდება წონასწორობისა და შიდა ძალის აღმოჩენა.
გამძლეობა სწორედ ის არის, რაც ყველაზე მეტად სჭირდება ნიკოს მშობლებს, იზა და გიას და მთელს მის ოჯახს.
გამძლეობა…..
კომენტარები